Studiozi me famë amerikan Helmut Norpoth parashikon një tjetër fitore të Trump

Norpoth  është profesor në departamentin e shkencave politike të Stony Brook që ka patur një sukses të madh  në parashikimin e zgjedhjeve mbi bazën e një modeli shkencor, një lloj paraqitjeje statistike të garave presidenciale, duke filluar që nga një shekull më parë.  

Modeli shkencor primar, siç quhet ai i profesorit Norpoth, ka mundur të parashikojë korrektësisht 25 nga 27 zgjedhjet për president në SHBA, por edhe në rastin e dy mosparashikimeve “korrekte”, bëhej fjalë për rezultate shumë të kontestuara, si ai midis Bush dhe Al Gore në vitin 2000 dhe ai mdis Kenedit dhe Niksonit më 1960-tën. 

Norpoth ka filluar të punojë me modelin e tij pas zgjedhjeve presidenciale më 1992 dhe më 1996, në mandatin e dytë të Klintonit, modeli i tij e tregoi saktësinë e parashikimeve. Klinton kishte pak shanse të rizgjidhej, për shkak të disa politikave jopopollore në mandatin e parë. Por parashikimi i Norpoth doli i saktë, pasi nuk bazohej në sondazhet, por në treguesë të tjerë. 

Pjesë themelore e modelit të profesorit Nopoth mbeten ato që në fushatat e zgjedhjeve  në SHBA quhen primaret presidenciale. Kjo përbën edhe diferencën mdis modelit të tij dhe modeleve të tjerë. Diferencën tjetër e shënon fakti se ai nuk konsideron sondazhet dhe opinionet. 

Rreth primareve të Demokratëve të Joe Biden, profesori thotë se ato parashikojnë që në fillim një dështim të plotë të Biden. 

“Njerëzit e kanë harruar si doli Joe Biden New Hampshire”, thotë Norpoth. “ Ishte e tmerrshme; fitoi vetëm, 8,4% të votave, çka është e pabesueshme për një kandidat që aspiron të bëhet president”.

Profesor Norpoth, i cili ka studiuar zgjedhjet amerikane që nga ato të vitit 1912, i beson matematikës së modelit të tij. Pyetjes se sa mund të ndikojë Covid-19 apo vdekja e George Floyd  për shkak të dhunës së policisë, ai i përgjigjet se kriza të tilla nuk kanë pothuajse asnjë ndikim në modelin e tij matematik. 

“Parashikimi im ka të bëjë me atë çka quaj “finale e pakushtëzuar”, thotë profesori i cili vazhdon të thotë se “të gjithë mendojnë se Trump do të digjet, mirëpo unë po parashikoj këtu me siguri pothuajse totale se ai do të fitojë sërish”. “Duket e çuditshme, por nuk është”. 

• 

  Rusia kërkon garanci të qarta sigurie nga Perëndimi

• 

  Bombarduesit rusë patrullojnë mbi kufijtë e Bjellorusisë

• 

  Të zemëruar me Abbasin, palestinezët votuan në zgjedhje komunale

• 

  Çfarë fshihet pas tensioneve Rusi-Ukrainë?

• 

  Biden dhe Putin nuk arrijnë marrëveshje për krizën në Ukrainë

• 

  “Do të fluturoj sërish”: Frika nga talibanët ndërpret ëndrrën e pilotes së parë afgane