e hënë 16 maj 2022
e hënë 16 maj 2022

 

 

Talibanët kanë vënë ndalesë në përdorim të valutave të huaja në Afganistan, duke kërcënuar me dëme tjera në ekonominë që është përballur me shumë vështirësi, prej kur ky grup ka marrë pushtetin në muajin gusht.

 

Prej tani, secili që përdor valuta të huaja për biznes, do të ndiqet penalisht, kanë thënë talibanët në një deklaratë të ndarë me gazetarët më 2 nëntor.

 

“Situata ekonomike dhe interesat kombëtare të shtetit kërkojnë që të gjithë afganët të përdorin valutën afgane në të gjitha transaksionet”, është thënë po ashtu në deklaratë.

 

Valuta kombëtare, afgani, është zhvlerësuar në mënyrë drastike, prej kur talibanët kanë rrëzuar nga pushteti Qeverinë e përkrahur nga mekanizmat ndërkombëtarë, në mes të muajit gusht.

 

Shumë transaksione në këtë shtet të shkatërruar nga lufta kryhen me dollarë amerikanë, derisa zonat kufitare përdorin valutën e Pakistanit për tregti.

 

Teksa ekonomia e Afganistanit veçse përballet me vështirësi, për shkak të ndaljes së ndihmave, rritjes së çmimeve të ushqimit dhe rritjes së shkallës së papunësisë, talibanët janë duke kërkuar njohje ndërkombëtare dhe po kërkojnë lirimin e miliarda dollarëve që janë bllokuar në bankat jashtë vendit.

 

Afganistani është varur tejet shumë nga fondet ndërkombëtare në 20 vjetët e fundit, pasi tri të katërtat e gjithë buxhetit për shpenzime publike, janë siguruar nga ndihmat.

 

Në përpjekje për të ndalur krizën humanitare, komuniteti ndërkombëtar, ka thënë se do të ofrojë paketa mbështetëse për Afganistanin dhe fqinjët e tij.

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara