e premte 26 nëntor 2021
e premte 26 nëntor 2021

 

Një gjykatë në Malajzi përmbysi një politikë të qeverisë, të vjetër me dekada, e cila i ndalon publikimet e josmyslimanëve të përdorin fjalën “Allah” për t’iu referuar Zotit.

 

Vendimi i Gjykatës së Lartë në Kualla Llampur është pjesë e një rasti të ngritur nga Jill Ireland, një e krishterë malajziane.

 

Trembëdhjetë vjet më parë, zyrtarët në aeroport i kanë konfiskuar asaj disa materiale fetare që përmbanin fjalën “Allah”.

 

Ireland, pjesëtare e një grupi autokton, ka nisur më pas sfidën ligjore kundër ndalesës, e cila daton nga viti 1986.

 

Pas shtyrjeve të vazhdueshme, Gjykata e Lartë ka dalë në krah të saj, duke konstatuar se ajo ka të drejtë të mos përballet me diskriminim, për shkak të besimit të saj.

 

Gjykatësi ka vendosur po ashtu se ndalimi i të krishterëve për të përdorur fjalën “Allah” është “i paligjshëm dhe antikushtetues”, tha avokati i Irelandit, Annou Xavier.

 

Kushtetuta e Malajzisë garanton lirinë e fesë.

 

Të krishterët në Malajzi thonë se e kanë përdorur fjalën “Allah” për shekuj me radhë.

 

Por, autoritetet kanë argumentuar kundër përdorimit të këtij termi në literaturën jomyslimane, duke thënë se ai mund t’i hutojë myslimanët dhe t’i nxisë atë në konvertim.

 

Më pak se 10 për qind e popullsisë 32-milionëshe të Malajzisë vlerësohet të jetë e krishterë, ndërsa 60 për qind janë myslimanë. REL

Më shumë

Papa shpreh dhimbje, por jo ndjesë pas zbulimit të eshtrave të 215 fëmijëve në Kanada

Papa Françesku shprehu të dielën dhimbje lidhur me zbulimin në një shkollë në Kanada të eshtrave të 215 fëmijëve të fiseve indigjene. Fëmijët ndiqnin shkolla me konvikt të administruara nga kisha katolike. Papa u bëri thirrje udhëheqësve fetarë dhe politikë të hedhin dritë mbi “këtë ngjarje të trishtë”. Por ai nuk kërkoi ndjesë për […]

Berlin: Tri fe, një shtëpi e përbashkët – Fillimi i punimeve po afron

“The House of One” e hebrenjve, të krishterëve dhe myslimanëve në Berlin do të konkretizohet në fillim të vitit 2021 pas shumë përgatitjeve. Sfida për përfaqësuesit janë sulmet e fundit të përgjakshme të myslimanëve. Ekskavatorët do të nisin së shpejti punën. Prej më shumë se dhjetë vitesh në Berlin planifikohet, diskutohet dhe reklamohet ideja […]

Papa Françesku: Akte terrori, për të komprometuar vëllazërimin ndërmjet feve!

Papa Françesku, në përfundim të audiencës së sotme të përgjithshme, u shpreh afërsinë viktimave të atentatit të Nicës e të Vjenës dhe kërkon të marrin fund dhuna dhe urrejtja!   “Këto ditë lutjesh për të vdekurit, i kujtuam e do të vijojmë t’i kujtojmë akoma viktimat e pafajshme të terrorizmit, mizoria e të cilit […]

Bashkia e Tiranës i jep pronësinë e tokës Kishës së Shën Prokopit, i hapet rrugë rikthimit në identitet

Ashtu si shumë objekte të tjera kulti në Shqipëri, të cilat ende sot nuk janë pajisur me një certifikatë pronësie, edhe Kisha e Shën Prokopit në Tiranë nuk e dispononte një dokument të tillë, çka mbante peng edhe projektin për rikthimin në identitet të saj. Pas vendimit unanim të Këshillit Bashkiak të Tiranës, kryebashkiaku […]

  • © 2017 Albanian Profile Të gjitha të drejtat e rezervuara