Albanian Profile
e shtunë 4 dhjetor 2021
e shtunë 4 dhjetor 2021

 

 

Imazhet që shikoni në galerinë e fotove janë të shkëputura nga video e shumëpërfolur që shpërndau dje ministria e Shëndetësisë, me pamje brenda Spitalit Infektiv ose Covid1 ku gjenden pothuajse të gjithë të shtruarit me COVID-19.

 

Ajo që bie në sy më së shumti në pamje, është se ndryshe nga herët e tjera që ka shpërndarë pamje, ministrja Ogerta Manastirliu dhe stafet e saj të shumta të PR, nuk janë kujdesur që mjediset e brendshme të duken si të “mbytura” nga luksi, por kanë dashur të evidentojnë sa më shumë se në këtë spital ka vuajtje dhe dhimbje.

 

Por çfarë ndodhi? Pikërisht gruan që shfaqet duke rënkuar në video, e denoncoi mbrëmë nipi i saj duke publikuar dokumentet në të cilat qartësohej se gjyshja e tij është shëndoshë e mirë jashtë spitalit dhe në letrat diagnostikuese nuk ekziston COVID-19, raporton noa.

 

MSH nuk reagoi për këtë denoncim. Sakaq, nëse sheh me kujdes pamjet, dallon se pacientët e Infektivit që gjenden të shtruar dhe në terapi intensive, trajtohen me bidonë plastikë uji ku se ç’kanë brenda e dinë ata që punojnë në Infektiv.

 

Është e paqartë përse pacientëve u vendosen bidonë plastikë uji, por disa thonë se aty u hidhet serum të sëmurëve.

 

Nëse kjo po ndodh, vetëm sterilitet nuk mund të ketë! Si mundet të marrësh bidonë uji, të cilat pasi janë përdorur, ti përdorësh sërish duke i mbajtur mbi krevatin e pacientit për trajtim mjekësor?!

 

Si mundet që shishet plastike njëpërdorimshe të ujit, që nga gjithkush pasi pihet uji kapen e hidhen, në Spitalin Infektiv merren dhe përdoren sërish për trajtim pacientësh?!

 

Këtë përgjigje mund ta japë, vetëm autoritetet shëndetësore në vend, por në këtë kohë pandemie, sikurse shumëkush e thotë, higjiena është element kryesor dhe deciziv për mbijetesën e njerëzve.

 

 

Pamje brenda spitalit infektiv

📍SPITALI INFEKTIV PA KOMENT! ‼️Lutemi🙏🏼 #VendoseniMaskën😷 Mos rrezikoni jetën tuaj dhe të njerëzve tuaj më të dashur!

Posted by Ogerta Manastirliu on Saturday, July 18, 2020

 

 

 

 

 

Më shumë

Nis aplikimi i dozës së tretë të vaksinës anti-Covid

Doza e tretë e vaksinës anti – Covid për personat mbi 60 vjeç është hapi tjetër që pritet të nisë këtë të hënë në Shqipëri.   Komiteti teknik i ekspertëve në rekomandimet e fundit të saj vendosi marrjen e një doze të tretë të vaksinës për të gjithë të moshuarit mbi këtë moshë. […]

100 Vjet Kryqi i Kuq Shqiptar

Si sot, më 4 tetor 1921, u themelua Kryqi i Kuq Shqiptar. Është shoqata më e vjetër humanitare në Shqipëri. Ai është njohur zyrtarisht nga Komiteti Ndërkombëtar i Kryqit të Kuq në vitin 1923. Që nga ky vit është anëtar i Federatës (në atë kohë Ligës) së Shoqatave të Kryqit të Kuq dhe Gjysmëhënës […]

Tetori Rozë – 1 në 8 gra me kancer gjiri!

Tetori, në të gjithë botën është muaji i ndërgjegjësimit për zbulimin e hershëm të kancerit të gjirit.   Jepini vetes vetëm 30 minuta kohë për shëndetin tuaj.  Sot 1 në 8 gra diagnostikohet me kancer të gjirit.  Kapja e hershme e kësaj sëmundje të shpëton nga vdekja. Mesazhi vjen nga gra që janë përballuar me sëmundjen […]

“Pacienti zero” i COVID-19 në SHBA mund të jetë prekur në prill të vitit 2019

Tani gjurmimi i origjinës së virusit të COVID-19 është një sfidë e përbashkët e të gjithë njerëzimit. Matematikanët kanë filluar të përdorin metodat e analizës në bazë të të dhënave të mëdha për të gjetur “pacientin zero”.   Të mërkurën, platforma e parapublikimit të artikujve shkencorë e Akademisë së Shkencave të Kinës (ChinaXiv) publikoi […]

  • © 2017 Albanian Profile Të gjitha të drejtat e rezervuara