e hënë 16 maj 2022
e hënë 16 maj 2022

 

Dita ndërkombëtare e personave të verbër, e gjen këtë kategori duke vazhduar të përballet me mungesë infrastrukture dhe punësimi.

 

Me vetëm 12 mijë lekë në muaj si ndihmë shtetërore për të jetuar, ata kërkojnë mundësi për t’u punësuar por edhe semafore e rrugë të dedikuara që t’ua lehtësojnë jetën.

 

Daniela Nikolli, 25 vjeçe, ka mbaruar shkollën e lartë për psikologji, por nuk ka mundur të ushtrojë profesionin e saj. I ati i saj që e shoqëron përherë, thotë se ndihma shtetërore është e pamjaftueshme.

 

Ndërkohë, Daniela ndihet e paragjykuar dhe e diskriminuar.

 

“Është e vështirë për shkak të paragjykimeve, sepse në momentin që çon CV-në, sa shohin foton stepen nga sytë dhe nuk ta thonë direkt por në mënyrë ironike që nuk ka vende pune për mua”, thotë ajo.

 

Shoqata e të verbërve kërkon që institucionet shtetërore të marrin përgjegjësi dhe të ndihmojnë në përmirësimin e jetës së personave me aftësi të kufizuara apo me nevoja të veçanta.

 

Përmes një proteste simbolike, ata marshuan nga Pallati i Kongreseve drejt Bashkisë Tiranë, ku kërkuan rritje të ndihmës sociale dhe punësim për personat e verbër.

 

Në Shqipëri janë rreth 13 mijë persona të vërbër.

 

 

Më shumë

Rreziku nga sulmet kibernetike

Siguria kibernetike po bëhet çdo ditë e më shumë një fushë që kërkon fuqi punëtore të specializuar. Ndaj Ministri i Mbrojtjes Niko Peleshi, si drejtues i institucionit që shumë shpejt do të marrë drejtimin për garantimin e mbrojtjes kibernetike përshëndeti pjesëmarrësit në aktivitetin inovativ “Cyber Camp Albania”, ku ftoi të rinjtë të orientojnë karrierën […]

4 – Dhjetori, Festa Kombëtare e Forcave të Armatosura Shqiptare

Me propozimin e Isa Boletinit, më 4 dhjetor 1912, Mehmet pashë Dërralla u zgjodh ministër i Luftës në Qeverinë e Përkohshme, duke fituar 42 vota dhe duke u radhitur i treti pas Luigj Gurakuqit me 54 vota dhe Myfit Bej Gjirokastrës (Libohovës) me 52 vota. Ministri i Luftës Mehmet pashë Dërralla duke bashkëpunuar me […]

Një shqiptar në krye të Arqipeshkivisë së Tiranës dhe Durrësit

Papa Françesku emëroi sot (30 nёntor 2021) imzot Arjan Dodaj, kryeipeshkëv të ri të kryedioqezës së Tiranë-Durrësit. Imzot Dodaj është kryeipeshkvi i tretë i kësaj Kishe në periudhën pas rënies së komunizmit, pasardhës i imzot Rrok Mirditës dhe i imzot George Frendos.   R.SH. – Vatikan   Dorëheqja dhe emërimi i Kryeipeshkvit Mitropolit […]

Mbi 17’000 shqiptarë e festuan Pavarësinë jashtë atdheut

Një numër i konsiderueshëm shqiptarësh kanë zgjedhur t’i kalojnë festat e nëntorit jashtë atdheut.   Stambolli ishte destinacioni kryesor për të kaluar pushimet 4-ditore që erdhën nga festat e Pavarësisë dhe Çlirimit.   “Stambolli është shitur në masë, gati  muaj përpara, pra në fund të tetorit të gjitha grupet e Stambollit kanë qenë të […]

  • © 2017 Albanian Profile Të gjitha të drejtat e rezervuara