e shtunë 29 janar 2022
e shtunë 29 janar 2022

 

Të shtunën e 11 dhjetorit, palestinezët votuan në zgjedhjet komunale, në Bregun Perëndimor, në mes të pakënaqësisë së shtuar ndaj presidentit, Mahmoud Abbas i cili anuloi zgjedhjet e planifikuara parlamentare dhe presidenciale.

 

Më shumë se 400 mijë palestinezë kishin të drejt vote për përfaqësuesit në 154 këshilla të fshatrave në Bregun Perëndimor ku autoritetet e Abbasit kanë vetëqeverisje të kufizuar. Zgjedhjet komunale zakonisht organizohen çdo katër apo pesë vjet.

 

Në Gaza, nuk mbahen zgjedhjet komunale, sepse udhëheqësit islamikë të grupit Hamas, bojkotuan zgjedhjet për shkak të përçarjeve me partinë e Abbasit, Fatah.

 

Presidenti 86-vjeçar, anuloi zgjedhjet në qytetet e mëdha të Bregut Perëndimor si Ramalah, e që do të mund të konsideroheshin referendum për udhëheqjen e tij.

 

“Këto zgjedhje nuk mund të jenë alternativë e zgjedhjeve parlamentare”, deklaroi për agjencinë e lajmeve Reuters, Ahmad Issa, një 23-vjeçar para një vendvotimi në fshatin Nir Nabala në Bregun Perëndimor, duke shtuar që votimi do të mund të hapte “horizonte për të rinjtë” dhe të sillte deri tek reformat.

 

E në fshatin, Beit Kahil, rruga e gra prisnin në radhë para qendrës së votimit, disa me maska për t’u mbrojtur nga COVID-19.

 

Ndërkaq, Abbas, përkrahja ndaj të cilit në sondazhet e opinionit publik është dobësuar, ka shkaktuar zemërim në muajin prill kur anuloi zgjedhjet presidenciale dhe parlamentare të caktuara për verë. Abbas e arsyetoi veprimin e tij duke u thirrur në kufizimin e Izraelit të votimit në Jerusalemin lindor.

 

Rivalet e Abbasit, përfshirë Hamasin, e akuzuan që e shfrytëzoi kontestin rreth votimit në Jerusalem si pretekst sepse anketat, sipas rivalëve të tij, tregonin që ai dhe partia e tij do të kumbisnin. Por, Abbasi i cili sundoi me dekret tashmë më shumë se një dekadë e mohoi këtë.

 

Zëdhënësi i Hamasit, grup që bojkotoi edhe zgjedhjet e 2012-s dhe 2017-s ka thënë se grupi më “nuk do të marrë pjesë në zgjedhjet e pjesshme të cilat i përshtaten Fatahut”.

 

Hamas gëzoi rritje të popullaritetit në Bregun Perëndimor dhe Jerusalemin lindor pasi që luftoi për 11 ditë me Izraelin në maj. Grupi këtë vit fitoi në zgjedhjet për këshillat e studentëve në disa universitete në Bregun Perëndimor, e që vlerësohej si barometër i përkrahjes.

 

Hamasi fitoi edhe në zgjedhjet e fundit parlamentare në vitin 2006. Kjo fitore u bë bazë për ndërprerje të bashkëpunimit politik. Më pas Hamasin e moti Gazën pas një lufte të shkurtër civile me Fatahun në vitin 2007 dhe që nga ajo kohë udhëheq enklavën.

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara