e martë 17 maj 2022
e martë 17 maj 2022

 

 

Tensionet ndërmjet Kosovës dhe Serbisë rreth përdorimit të targave të makinave dhe një operacion i policisë së Kosovës për konfiskimin e mallrave të kontrabanduara, që çuan në protesta në veriun e banuar me shumicë serbe, dominuan debatin e së premtes për Kosovën në Këshillin e Sigurimit të Kombeve të Bashkuara.

 

Ministri i Jashtëm serb, Nikola Selakoviç, tha se, institucionet e Kosovës po ndërmarrin veprime të njëanshme dhe nuk po zbatojnë marrëveshjet e arritura në Bruksel.

 

“Ndërhyrja e njësive të policisë më 13 tetor është ndërhyrja e nëntë me radhë dhe kjo duhet të marrë fund”, tha ai, duke nënvizuar se lufta kundër krimit është përdorur në mënyrë cinike për të ndërhyrë në veri dhe se qëllimi i Prishtinës është provokimi i serbëve, frikësimi i tyre si dhe provokimi i Beogradit.

 

 

Presidentja e Kosovës, Vjosa Osmani, bëri thirrje për t’i dhënë fund misionit të UNMIK-ut, të cilin e kritikoi për qëndrimin e tij kundrejt veprimeve të institucioneve të Kosovës të cilat sipas shefit të këtij misioni ishin të njëanshme.

 

Presidentja Osmani tha se bisedimet me Serbinë nuk janë dhe nuk do të jenë kurrë për statusin e Kosovës, duke i bërë thirrje Beogradit që të njohë realitetin e Kosovës së pavarur.

 

“Lufta kundër krimit të organizuar është e pakompromis dhe e panegociueshme. Të negociosh e të bësh kompromis me krimin është të bëhesh njëri prej tyre”, tha presidentja Osmani, duke shpjeguar se operacioni i 13 tetorit ishte i drejtuar kundër krimit dhe kontrabandës dhe se shumica e të arrestuarve ishin shqiptarë.

 

Ajo tërhoqi vëmendjen tek siç tha retorika e Beogradit e cila është e ngjashme me atë të periudhës së luftës në Kosovë.

 

“Kosova ka qenë, është dhe do të jetë e pranishme në tryezën e bisedimeve, por gjithashtu të angazhohet në mënyrë aktive në bisedimeve ku qëllimi përfundimtar është njohja e ndërsjellë. Nuk është qëllimi i këtyre bisedimeve që të shpëtojnë karrierën personale të asnjë politikani në Serbi që është i përfshirë në proces. Ky proces nuk ka të bëjë me shpikjen e aventurave të rrezikshme që i takojnë shekullit të 19-të. Nuk është dhe nuk do të jetë, siç do të donin homologët tanë për statusin e Kosovës, që është zgjidhur një herë e përgjithmonë më 2008”, tha presidentja Osmani.

 

Këshilli i Sigurimit arriti një marrëveshje në vitin 2019 që të mbahen nga dy takime në vit për Kosovën, një në muajin prill dhe një në muajin tetor, ndonëse fuqitë perëndimore po kërkojnë shmangien e tij dhe përmbylljen e misionit të UNMIK-ut.

 

Përfaqësuesi i Shteteve të Bashkuara tha se UNMIK-u “nuk ka luajtur ndonjë rol thelbësor për zgjidhjen e tensioneve të fundit mes Kosovës dhe Serbisë lidhur me çështjen e targave. Ulja e tensioneve përmes një mbështetjeje të përkohshme të ofruar nga KFOR-i tregon se organizatat e tjera mund ta bëjnë rolin e tyre më mirë. Ngjarjet e fundit edhe njëherë tregojnë se UNMIK-u ka përmbushur qëllimin e tij”.

 

Më shumë

Lira në rënie drastike, të huajt dynden për të blerë banesa në Turqi

Shitjet e banesave në Turqi për të huajt u rritën me 48.4% në një nivel rekord në nëntor, sipas shifrave zyrtare të publikuara sot, pasi një rënie e lirës turke bëri që blerjet të jenë dukshëm më të lira për ata që blejnë me valutë “të fortë”.   Tregu i pasurive të paluajtshme […]

BIRN hap ekspozitën në nder të gazetarëve të vrarë në luftërat në Ballkan

  Rrjeti Ballkanik i Gazetarisë Investigative do të hapë një ekspozitë dhe do të botojë një libër që përkujton gazetarët dhe punonjësit e medias që u vranë gjatë dhe menjëherë pas shpërbërjes së përgjakshme të Jugosllavisë.     Një ekspozitë e BIRN, e titulluar “Last Despatches”, do të hapet në Sarajevë më 14 dhjetor […]

Maqedoni e Veriut: Alternativa bëhet pjesë e koalicionit qeveritar

Partia opozitare Alternativa është bërë pjesë e koalicionit qeveritar në RMV. Kryeministri Zoran Zaev dhe kryetari i Alternativës Afrim Gashi kanë nënshkruar marveshjen 9 pikëshe për hyrjen e Alternativës në Qeveri.     Kryeministri i Maqedonisë së Veriut, Zoran Zaev tha se kjo marrëveshje paraqet një qëndrueshmëri politike për të hapur negociatat me BE-në, […]

Kosovë-Serbi: Normalizim i marrëdhënieve apo bllokim?

Kosova dhe Serbia në javën e fundit ashpërsuan retorikën politike me akuza dhe kundërakuza dhe ndaluan vizitat e ndërsjella të zyrtarëve qeveritarë, duke bërë kështu që të reagojë edhe Bashkimi Evropian. Autoritetet e Prishtinës i ndaluan hyrjen në Kosovë kreut të Zyrës për Kosovën në Qeverinë e Serbisë, Petar Petkoviç, njëherësh edhe drejtues i […]

  • © 2017 Albanian Profile Të gjitha të drejtat e rezervuara