Tërmeti shkatërrimtar në Turqi: “Zgjati 30 sekonda, ishte e frikshëm”, rrëfen studenti shqiptar në Izmir

Turqia dhe Greqia u tronditën sot nga një tërmet i fuqishëm që ka lënë viktima dhe shumë të lënduar.

Izmiri, qytet ku jetojnë edhe shumë shqiptarë është nga më të prekurit në Turqi. Në një intervistë për Abcnews.al, Kozma Çupi student në Izmir u shpreh se deri tani numri i viktimave ka shkuar në gjashtë. Ai rrëfen edhe panikun që përjetoi në momentin që u regjistruan lëkundjet.

“Tërmeti zgjati rreth 30 sekonda. Ishte i fuqishëm, dolëm direkt nga shtëpia. Jemi mirë dhe nuk kemi pësuar asnjë lëndim. Në lagjen ku jetoj unë në Izmir nuk pati shumë dëme, por dy lagje të tjera në Bajrakli dhe Bornova.

Deri tani flitet se janë 6 viktima dhe shumë të plagosur. Edhe në ato dy lagje jetojnë shumë shqiptarë, por nuk kemi informacion për të lënduar. Kemi komunikuar me shqiptarët në ato 2 lagje, por edhe pjesët e tjera të qytetit, por nuk ka shqiptarë të lënduar”- u shpreh ai.

Ndërkohë mbasadori shqiptar në Turqi, Kastriot Robo thotë se, në bazë të informacioneve të deritanishme, tërmeti shkatërrues në Izmir nuk ka shkaktuar viktima mes shqiptarëve.

Robo tregon se kjo zonë njihet për përqindje të lartë të banorëve me origjinë shqiptare, duke theksuar se në zonën metropolitane të Bërnovës në Izmir më shumë se 60% janë me origjinë nga vendi ynë, njofton euronews.albania.

“Deri tani rezulton se ka katër viktima dhe 120 të plagosur mbi 20 ndërtesa të rrënuara. Operacione e kërkim shpëtimit janë në vend për të nxjerr njerëzit nga godinat e rrënuara.

Zona e Izmirit ka një përqendrim të madh të bashkëkombësve tonë. Në zonën e Bërnovës p.sh janë mbi 60% e banorëve me origjinë shqiptare. Nga informacionet që kemi na rezulton se deri tani nuk ka shqiptarë të dëmtuar. Shprehim solidaritetin tonë me vëllezërit turk në këtë moment kritik dhe urojmë që numri i viktimave të jetë sa më i pakët”, tha ambasadori shqiptar.

Agjencia për Menaxhimin e Emergjencave dhe Katastrofave në Turqi thotë se, tërmeti i të premtes kishte si epiqendër Detin Egje, në një thellësi 16.5 km dhe ishte me fuqi 6.6 magnitudë.

Qendra Sizmologjike Europiane-Mesdhetare thotë se, tërmeti kishte një  magnitudë prej 6.9 dhe epiqendra ishte 13 km në verilindje të ishullit Samos në Greqi. Kurse sipas agjencisë amerikane të gjeologjisë, fuqia ishte 7.0 magnitudë.

• 

  Tërhiqet plani për minierën e litiumit në Serbi

• 

  Presidentja Osmani kërkon shtimin e angazhimit amerikan dhe evropian kundër ndikimit rus

• 

  Opozita në Mal të Zi heq dorë nga rrëzimi i qeverisë

• 

  Danimarka pret të marrë me qira 300 qeli burgu në Kosovë

• 

  Britania e Madhe e shqetësuar me tensionet në Ballkanin Perëndimor

• 

  Serbia hapi katër kapituj në negociatat me BE-në