e enjte 27 janar 2022
e enjte 27 janar 2022

Një anije shqiptare e përfshirë në thyerjen e embargos së armëve ndaj Libisë është goditur me kundratank në Tripoli.

Anija e ngarkuar me armë dhe municion ishte nisur nga Mersini i Turqisë drejt Libisë ku dhe është goditur nga forcat rebele të gjeneralit Khalifa Haftar.

Anija është goditur dy ditë më parë pas akostimit në portin e Tripolit. Menjëherë është akuzuar Turqia për thyerje të embargos, por ajo ka mohuar që anija e goditur të jetë turke.

Hetimet e nisura për zbardhjen e ngjarjes që krijon një incident diplomatik ndërkombëtar kanë zbardhur faktin se anija e përdorur për trafikun e armëve mes Turqisë dhe Libisë është shqiptare.

Anijes ”Ana” i është fshirë emri në bash dhe në kiç për të vështirësuar identifikimin e saj, por hapja e AIS-it ka çuar në zbulimin e saj. Burime nga ekuipazhi i anijes shqiptare bëjnë të ditur për TCH se ata janë larguar nga anija në Turqi dhe pas kësaj mjeti lundrues është pajisur me një ekuipazh turk që ka marrë përsipër lundrimin e radhës.

Ngjarja nuk është bërë ende publike, ndërsa edhe autoritetet shqiptare janë përfshirë në hetimet mbi rastin dhe rolin e pronarit të anijes në këtë thyerje të embargos së armëve me Libinë.

Goditja e anijes ka shkaktuar panik në portin e Tripolit dhe për shkak të pranisë së depozitave të shumta me karburant dhe gaz, si dhe sulmeve të tjera që mund të ketë nga forcat e Haftarit.

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara