e hënë 16 maj 2022
e hënë 16 maj 2022

 

 

Pika doganore e ‘Trepçës’ do të jetë në funksion nga kjo e martë nën varësinë e autoriteteve të Kosovës. Lajmin e bëri të ditur vetë kryeministri i Kosovës, Albin Kurti i cili theksoi se rinisja e punës do të jetë mbështetje edhe për bizneset.

 

“Padrejtësisht dhe çuditërisht kjo hapësirë i është privuar ‘Trepçës’ për terminal doganor dhe i është dhënë një privati jashtë zonës së ‘Trepçës’. Kjo ka bërë që çmimi të shtrenjtohet në 40 euro për maune. Në këtë mënyrë kanë humbur bizneset, ka humbur ‘Trepça’ dhe ka fituar një privat. Shtatë vjet më vonë, ne po e bëjmë këtë hapje të terminalit doganor në hapësirën e ‘Trepçës, po e rikthejmë në ‘Trepçë’ atë që gjithmonë i ka takuar ‘Trepçës dhe në këtë mënyrë po e korrigjojmë një dëm të bërë para shtatë vitesh”, shprehet kryeministri Kurti.

 

Për ministrin e Financave, Hekuran Murati rifunksionalizimi i pikës doganore do të rrisë të ardhurat jo vetëm për bizneset.

 

“Është një ditë ku me një veprim të tillë ka shumë përfitues. Për ‘Trepçën’ kjo nënkupton fitim, megjithatë kjo është një e hyrë komplementare për ‘Trepçën’, sepse siç e kemi diskutuar edhe më herët, ‘Trepçës’ do t’i kthehet aktiviteti primar, pra do të investohet në aktivitetin primar”, thotë ministri i Financave, Hekuran Murati.

 

Rikthimi i rolit të ndërmarrjeve publike në të mirë të interesave të qytetarëve dhe bizneseve lokale shihet me pozitivitet edhe nga ministrja e Ekonomisë, Artane Rizvanolli.

 

“Është kënaqësi të shohim një rikthim të rolit të ndërmarrjeve publike përtej rolit të tyre industrial, dhe të shohim se ndërmarrjet publike dalëngadalë po i kthehen funksionit të punës në të mirë të interesave të qytetarëve dhe bizneseve lokale”, shprehet Artane Rizvanolli, ministre e Ekonomisë.

 

Nga viti 2003 deri më 2014 terminali doganor ka qenë në hapësirën e ‘Trepçës’. Kjo hapësirë i është privuar ‘Trepçës’ për terminal doganor dhe i është dhënë një privati jashtë zonës së ‘Trepçës’. Vendim I cili solli dhe rritjen e çmimit në 40 euro për maune.

 

 

Më shumë

Kosova ftohet në takimin e lartë për demokraci

Kosova pritet të marr pjesë në takimin e lartë për demokraci që do të organizohet nga presidenti amerikan, Joe Biden më 9 dhe 10 dhjetor. Burime të Zërit të Amerikës konfirmuan pjesëmarrjen e Kosovës në këtë takim dhe sipas tyre, kjo u bë e ditur pas takimeve që presidentja Vjosa Osmani zhvilloi me […]

Mosnjohja e plotë e Kosovës, pengesë drejt NATO-s

Mosnjohja e Kosovës nga katër shtete evropiane që janë edhe pjesë NATO-s, është pengesa kryesore për anëtarësimin e Kosovës në këtë organizatë ndërkombëtare, u tha në Komisionin për Punë të Jashtme dhe Diasporë në Kuvendin e Kosovës.   Lidhur me anëtarësimin e Kosovës në NATO, para anëtarëve të këtij komisioni raportoi të martën […]

Kosova vendos sanksione për shtatë individë dhe një kompani për lidhje me Hezbollahun

Qeveria e Kosovës u vendosi sanksione shtatë afaristëve dhe një kompanie për lidhje me grupin ushtarak të Libanit, Hezbollah.   Ministrja e Jashtme e Kosovës, Donika Gërvalla-Schwarz, tha se sanksionet vendosen në pajtim me Rezolutën 1373 të Këshillit të Sigurimit të Kombeve të Bashkuara ndaj shtatë individëve dhe një kompanie “për lidhjet e […]

Kërcënohet kryeministri i Kosovës Albin Kurti

Masa të shtuara të sigurisë janë parë të mërkurën mbrëma përreth shtëpisë së kryeministrit të Kosovës, Albin Kurti.   Zëdhënësi i qeverisë, Përparim Kryeziu, tha se kryeministri Kurti është kërcënuar dhe për këtë arsye, “si masë e kujdesit të shtuar, është rritur edhe niveli i tij i sigurisë. Institucionet e hetuesisë dhe sigurisë […]

  • © 2017 Albanian Profile Të gjitha të drejtat e rezervuara