e diel 18 prill 2021
e diel 18 prill 2021

 

Turqia po i ofron shtetësinë pjestarëve të Hamasit në mënyrë që ata të ndërmarrin sulme nga territori turk si ndaj Izraelit, ashtu edhe ndaj vendeve të tjerë të botës, referon e përditshmja angleze The Telegraph.

Burime anonime i kanë ofruar kësaj gazete dokumenta që demonstrojnë se të paktën 12 persona, anëtarë të Hamasit, kanë marrë së fundmi shtetësinë turke dhe numrin ID me njëmbëdhjetë shifra të Turqisë.

Përpos atyre që tashmë u është dhënë shtetësia dhe pasaporta turke, në territorin e Turqisë ndodhen një sërë anëtarësh të organizatës terroriste të cilët jetojnë atje me pseudonime false turke.

SHBA, Britania e Madhe dhe një sërë shtetesh të tjerë e kanë rreshtuar Hamasin në vendet e parë të organizatave terroriste, ndërsa Turqia e Erdoganit, edhe pse është një vend anëtar i NATO-s, e quan këtë grup një lëvizje politike legjitime së cilës i furnizon asistencë, strehë e ndoshta edhe armë.

“Këta nuk janë ushtarë të këmbësorisë, por agjentët operativë më të vjetër të Hamasit, jashtë Rripit të Gazës. Po mbledhin fonde dhe po marrin instruktime për të kryer sulme”, i thotë burimi anonim gazetës i cili shton se “qeveria turke i ka pajisur me pasaporta të vetat në mënyrë që ata të mund të udhëtojnë normalisht edhe në vende të tjerë”.

Pajisja me pasaportë turke i bën të mundur pjestarëve të Hamasit të udhëtojnë pa viza në shumë vende dhe për të fshehur faktin se ata janë palestinezë që i përkasin një organizate terroriste, e cila në programin e vet ka një sërë sulmesh ndaj civilëve izraelianë dhe hebrej kudo në botë.

Akuzave të drejtpërdrejta të gazetës The Telegraph qeveria turke refuzoi t’i përgjigjej. Po ashtu Hamas mohon faktin se pjestarë të kësaj organizate ndodhen dhe operojnë nga një territor tjetër përveç Gazës. Por të vërtetën e nxjerr në shesh edhe Departamenti Amerikan i Thesarit i cili vitin e shkuar deklaroi se ka sanksionuar një listë të tërë drejtuesish të organizatave të ndryshme terroriste, midis të cilëve edhe pjestarë të Hamasit me qëndrim në Turqi, nën bekimin e drejtpërdrejtë të liderit turk Recep Tayip Erdogan. Është tashmë një fakt i njohur se Hamas ka një qëndër drejtuese në Turqi e cila përqëndrohet në formimin ushtarak të terroristëve dhe është e strukturuar me divizione të veçantë për reklutimin, stërvitjen dhe sigurimin e fondeve.

Zbulimi i faktit se Turqia i ofron shtetësinë e saj terroristëve të Hamasit arrin pas hetimeve që The Telegraph ka kryer më parë mbi strehimin që ky vend i bën atyre eksponentëve të kësaj organizate terroriste që po planifikojnë sulme nëpërmjet Stambollit, midis të cilëve vrasjen e kryebashkiakut të Jerusalemit.  Lideri i Hamasit, kësaj organizate terroriste,  ka shkuar më parë në Turqi nëpërmjet Egjiptit  dhe  u prit drejtpërdrejtë nga Erdogan, Presidenti aktual i Republikës Turke.

Një fakt tjetër me interes është ai se të 12 anëtarët e Hamasit të strehuar e të pajisur me pasaporta në Turqi, bënin pjesë në grupin e terroristëve që vuanin dënimin  në burgjet izraeliane,  për atentatet e kryera në Izrael e që u lanë të lirë në këmbim të Gilad Shalit ushtarit izraelian të marrë peng nga Hamasi. Një ndër kushtet për lirimin e tyre ishte pikërisht ai i mos angazhimit të tyre të mëtejshëm në aktivitete terroristike.

Mbështetja që Turqia e Erdoganit vazhdon t’i japë grupit terrorist të Hamasit si dhe komentet e hapur antisemitë të Presidentit turk Erdogan kanë vënë në provë marrëdhëniet diplomatike midis Turqisë  dhe Izraelit.  Për presidentin turk nuk është kriza ekonomike e rëndë dhe rënia drastike e lirës turke shqetësimi kryesor, por ai se si t’i krijojë probleme Izraelit duke përdorur terroristët e Hamasit.

 

Më shumë

Mbërrijnë në Greqi turistët e parë nga Izraeli, secili me çertifikata vaksinimi

Një nga fluturimet e para me turistë nga Izraeli, mbërriti pak para orës 11 të mëngjesit në Greqi. Turistët nga Tel Aviv kishin në duar çertifikatën e vaksinimit, e cila u lejon atyre të fillojnë pushimet menjëherë, pa karantinë.   Sipas Presidentes së Komisionit, Ursula von der Leyen, çertifikata dixhitale e gjelbër është një […]

Provokimi i ri i Kremlinit – Putin ka gjithnjë me vete valixhen bërthamore

Presidenti rus, Vladimir Putin ka gjithnjë me vete instrumentet e nevojshme të komunikimit, përfshirë ata strategjikë, kudo që ai ndodhet. Këtë e ka pohuar zëdhënësi i Kremlinit, Dimitri Peskov, kur u pyet nëse Putini kishte me vete valixhen e tij bërthamore, gjatë fundjavës së kaluar në Siberi, bashkë me ministrin e tij të mbrojtjes. […]

A është mirë presidenti? Joe Biden pengohet disa herë në shkallët e avionit , Air Force One

Në një video të fundit të presidentit amerikan Joe Biden shihet ky i fundit teksa pengohet në shkallët e avionit Air Force One.   Ai është parë të pengohet disa herë duke ngjitur shkallët e avionit të premten.   Presidenti 78-vjeçar pavarësisht incidentit, u ngrit, por përsëri u pengua për herë të dytë […]

Takim i tensionuar SHBA-Kinë në Alaskë

Administrata e Presidentit Biden filloi të enjten bisedimet e para të nivelit të lartë në prani fizike me Kinën rivale, duke thënë se veprimet kineze kërcënojnë rendin global të bazuar në rregulla dhe duke u zotuar se Uashingtoni do të mbështesë miqtë e tij.   “Ne nuk kërkojmë konflikt, por ne e mirëpresim konkurrencën […]

  • © 2017 Albanian Profile Të gjitha të drejtat e rezervuara