e diel 24 tetor 2021
e diel 24 tetor 2021

 

Ministri i Jashtëm i Turqisë, Mevlüt Çavuşoğlu, ka ftuar Greqinë për mbledhjen e parë të bisedimeve hulumtuese brenda muajit janar, për të zgjidhur mosmarrëveshjet që kanë të dyja vendet.

 

Çavuşoğlu sot në Ankara zhvilloi një konferencë të përbashkët për media pas takimit me homologun e tij nga Republika Turke e Qipros Veriore (TRNC), Tahsin Ertuğruloğlu.

 

Ai tha se në lidhje me zgjidhjen e çështjes së Qipros nuk është arritur rezultat për 52 vite, duke shtuar se duhet të zhvillohet një negociatë në të cilën vendet garantuese dhe palët në ishull paraqesin mendimet e tyre.

 

Çavuşoğlu theksoi se tek Kombet e Bashkuara (OKB) kanë propozuar mbajtjen e një mbledhjeje 5+1 e përbërë nga palët në Qipro dhe vendet garantuese. Ai tha se procesi për realizimin e mbledhjes 5+1 është duke vazhduar.

 

Kryediplomati turk deklaroi se Këshilltarja Speciale e Sekretarit të Përgjithshëm të OKB-së për Qipron, Jane Holl Lute, pas vizitës në Turqi, sot ka realizuar një vizitë në Qipro.

 

“Qëndrimi i Turqisë dhe TRNC-së në lidhje me këtë është tejet i qartë. Deri më sot nuk kishte barazi politike, duhet të negociohet barazia sovrane, duhet të ketë zgjidhje me dy shtete”, tha Çavuşoğlu.

 

Duke komentuar edhe bisedimet hulumtuese mes Turqisë dhe Greqisë, Çavuşoğlu tha se deri më sot janë zhvilluar 60 bisedime dhe kanë dalë në pah mbi 5.000 faqe dokumente.

 

“Ftojmë Greqinë për mbledhjen e parë të bisedimeve hulumtuese brenda muajit janar”, tha ai.

 

Çavuşoğlu gjithashtu komentoi edhe ftesën e kryeministrit të Shqipërisë, Edi Rama, për të organizuar një takim me kryediplomatin grek Nikos Dendias në Tiranë.

 

Ai tha se në këtë periudhë Dendias ka hyrë në karantinë.

 

“Pas këtij takimi të parë, jam i gatshëm të takoj Dendias duke shkuar në Tiranë me ftesën e Ramës. Kjo është një ftesë, shpresoj që Greqia nuk e refuzon këtë mundësi, këtë ftesë dhe së shpejti fillojnë bisedimet hulumtuese”, tha ai, raporton Anadolu Agency (AA).

 

 

Më shumë

Abazoviç: Rruga euroatlantike e Malit të Zi nuk do të ndryshojë

Rruga euroatlantike e Malit të Zi nuk do të ndryshojë, tha Zëvendëskryeministri i Malit të Zi Dritan Abazoviç. Në një intervistë për Zërin e Amerikës, zoti Abazoviç theksoi se mënyra më e mirë për luftimin e shqetësimeve mbi orientimin perëndimor të Malit të Zi është forcimi i institucioneve demokratike përmes reformave dhe luftimit të […]

Me dy shtetësi, në dilemë për të votuar në Kosovë apo RMV

Prej 10 vitesh, 68-vjeçari Islam Bela ka mundësi të zgjedhë për përfaqësuesit e tij në dy shtete, Kosovë dhe Maqedoni e Veriut. Ai asnjëherë nuk e lë t’i ikë mundësia për të votuar. Ai ka dy shtetësi, dhe jetën e kalon mes Kosovës e Maqedonisë së Veriut. Edhe pse në moshë të thyer, asgjë […]

Gazetarët kundërshtojnë pretendimet e Erdoganit se media në Turqi është e lirë

Presidenti i Turqisë ka hedhur poshtë kritikat për gjendjen e lirisë së medias në vend, duke i thënë një rrjeti televiziv amerikan se vendi gëzon “liri të gjera”.   Por komentet e tij për televizionin CBS vijnë ndërkohë që disa gazetarë turq po përballen me padi.   Një prej tyre – gazetari dhe […]

Tensionet në veriun e Kosovës – në qendër të debateve në Këshillin e Sigurimit

Tensionet ndërmjet Kosovës dhe Serbisë rreth përdorimit të targave të makinave dhe një operacion i policisë së Kosovës për konfiskimin e mallrave të kontrabanduara, që çuan në protesta në veriun e banuar me shumicë serbe, dominuan debatin e së premtes për Kosovën në Këshillin e Sigurimit të Kombeve të Bashkuara.   Ministri i […]

  • © 2017 Albanian Profile Të gjitha të drejtat e rezervuara