e martë 17 maj 2022
e martë 17 maj 2022

 

 

Pesë anijet, prej të cilave 1 me alumin dhe 4 me fiberglas që do të përdoren nga Policia e Shqipërisë për sigurinë bregdetare, po ndërtohen nga një kompani me qendër në qytetin Izmir të Turqisë, raporton Anadolu Agency.

 

Kompania “Gözüyılmaz Mühendislik” e themeluar në vitin 1996 në rajonin Çiğli të qytetit Izmir, siguron kontribut për ekonominë turke edhe me anijet që prodhon, por edhe për industrinë e mbrojtjes.

 

Gjithashtu kompania e cila ka ndërtuar dhe anijet në inventarin e policisë turke dhe që ka dërguar anije në shumë vende përfshirë Rusinë dhe Nigerinë, po përgatitet që të kryejë eksport në Shqipëri.

 

Policia e Shqipërisë hapi një tender në kuadër të Projektit të Menaxhimit Efektiv të Kufijve të Gjelbër dhe Blu të Evropës i cili financohet nga Bashkimi Evropian (BE), ku garuan kompani nga Holanda, Norvegjia dhe Italia dhe në të cilin kompania turke mori pikë të plota nga dosja teknike.

 

Në kuadër të projektit, në qytetin Izmir ka filluar ndërtimi i anijes me material alumini prej 15 metrash si dhe të anijeve me fiberglas prej 10 metrash që do të përdoren në kontroll dhe patrullim. Anijet do të dalin për patrullim në det në mars të vitit të ardhshëm dhe do t’u dorëzohen zyrtarëve të Ministrisë së Brendshme të Shqipërisë në Portin e Durrësit.

 

“Do të sigurohen rreth 3 milion dollarë hyrje valutore”

 

Özgür İnam, Zv.drejtori i përgjithshëm i “Gözüyılmaz Mühendislik” dhe Kantierit Izmir, për Anadolu Agency (AA) theksoi se me markën Izmir Shipyard eksportojnë anije jashtë vendit.

 

İnam, shpjegoi se prej 26 vitesh kryejnë prodhim tregtar dhe se gjithashtu kryejnë edhe prodhim për industrinë e mbrojtjes.

 

Duke vënë në dukje se së fundmi kanë realizuar marrëveshje me Shqipërinë, Inam tha se “Ishte një tender shumë konkurrues. Ndodheshim në mesin e kompanive evropiane. Ishte një krenari edhe për vendin tonë edhe për kompaninë tonë”.

 

Ai tha se anijet që do të eksportohen do të jenë flota e parë detare e policisë shqiptare. “Aktualisht janë 5 anije. Këto janë të njëjtat me anijet patrulluese që përdoren aktualisht në Izmir, Antalya dhe Stamboll. Shqipëria është vendi ynë mik dhe vëlla. Na zgjodhën ne, sepse i besuan anijes, produktit që përdor policia turke. Planifikojmë që anijet të zbresin në det në muajin mars. Anijet do të sigurojnë gjithsej rreth 3 milionë dollarë hyrje valutore për vendin tonë”, shtoi İnam.

 

“Mjet pa pilot edhe në det”

 

Duke bërë të ditur se si kompani kanë eksportuar anije edhe për Forcat Speciale të Rusisë, İnam theksoi se kanë nënshkruar marrëveshje për eksport edhe për Nigerinë dhe shtoi se këto janë referenca për punë të reja.

 

“Me ASELSAN kemi prodhuar anije autonome dhe pa pilot. Këto kanë hyrë në inventar. Po ashtu kryejmë prodhim edhe për ROKETSAN. Kam besim të plotë se suksesin që kemi arritur tek mjetet pa pilot në fushën e aviacionit do ta arrijmë edhe në det. Jemi një nga 5 vendet në botë që prodhon anije edhe me aftësi në tufë, edhe autonome edhe pa pilot. Për këtë çështje ka një vullnet shumë serioz”, tha İnam.

 

Më shumë

Kuvendi i Berishës, shkarkon Bashën

Partia Demokratike ndodhet në një krizë të thellë ekzistenciale. Shenjat e krizës janë të dukshme. PD është sot e përçarë keqazi.   Demokratët janë rrjeshtuar në dy grupime kundërshtare: njëri me mbështetës të Sali Berishës, ish-liderit historik të PD, të shpallur “Person non grata” nga qeveria amerikane për “vepra korrupsioni që minojnë demokracinë në […]

“Non-grata”, Berisha shkon me ‘Foltoren’ në SHBA

Të dielën e 5 dhjetorit ora 12:00 me orën lokale, do të zhvillohet ‘Foltorja’ e ish-kryeministrit Sali Berisha me shqiptarët e Amerikës. Njoftimin e ka bërë publik lideri historik i PD përmes një postimi në Facebook. Organizimi është bërë nga diaspora shqiptare në SHBA.   Takimi do të zhvillohet me video-konferencë njësoj sikur të […]

Shqipëri – Kosovë, pa ndalesa në kufi!

Në mbledhjen e përbashkët të dy qeverive, Kosovës dhe Shqipërisë që po mbahet sot në Elbasan, ministri i Brendshëm Bledi Çuçi shpjegoi tre marrëveshjet e arritura. Tre marrëveshjet synojnë lehtësimin e lëvizjes së qytetarëve në të dy anët e kufirit. “Dua ta filloj nga kjo e fundit që ka të bëjë me lejet e […]

Berisha për Zërin e Amerikës: Unë do marr PD-në, nuk bëj parti tjetër

Ish kryeministri dhe drejtuesi i Partisë Demokratike, Sali Berisha përjashton në mënyrë kategorike, krijimin e një force të re politike. Në një intervistë për Zërin e Amerikës, ai shprehet i bindur se kuvendi i thirrur prej tij dhe mbështetësve të tij më 11 dhjetor do të shënojë një rithemelim të kësaj partie të […]

  • © 2017 Albanian Profile Të gjitha të drejtat e rezervuara