e diel 24 tetor 2021
e diel 24 tetor 2021

 

Ditën e sotme janë bllokuar të gjitha fluturimet në Aeroportin e Rinasit, deri të enjten në orën 10:00.

 

Ky bllokim është shkaktuar pas dështimit të negociatave mes Ministrisë së Infrastrukturës dhe Energjisë me kompaninë “Albcontroll”, që menaxhon kontrollin e fluturimeve në Aeroportin Ndërkombëtar “Nënë Tereza”.

 

Shkak i kësaj është greva e 68 kontrollorëve të “Albcontrol”, të cilët protestojnë për kushtet e punës dhe uljen e pagave.

 

Ministrja Belinda Balluku tha se kjo protestë ka ardhur për shkak se punonjësve u janë ulur të ardhurat gjatë vitit 2020, sepse për shkak të pandemisë janë ulur fluturimet për 57 për qind.

 

“Albcontrol nuk ka lidhje financiare me shtetin shqiptar dhe në fund të vitit financiar nuk duhet të kenë fitim. Disa prej rrogave arrijnë në 4,440 dollarë, dhe për shkak të uljes së fluturimeve u është ulur në 2,400 dollarë. Kompania nuk ka depozita për t’u dhënë atyre para. Dhe duhet ta kenë të qartë që po punohet me 43 për qind të trafikut ajror. Por, kontrollorët duan të kenë paratë që janë mësuar të kenë sepse është niveli i jetesës që kanë. Pra nëse nuk kanë 4,000 dollarë në dispozicion, stresohen dhe nuk punojnë dot”, tha Balluku.

 

Ajo bëri të ditur se Albcontrol është e vetmja kompani që ofron këtë shërbim, në kushtet e monopolit. Sipas saj, greva e punëtorëve të kontrollit në aeroport është e jashtëligjshme, pasi nuk mund të ushtrohet në shërbime të rëndësisë jetike.

 

“A duhet të kapet vendi peng sot nga disa persona që janë të stresuar me pagën 2,490 dollarë dhe nëse nuk ia bëjnë 4,400 dollarë, ata do të mbajnë vendin peng?”, tha ajo.

 

Presidenti i Shqipërisë Ilir Meta, përmes një postimi në Facebook, reagoi duke thënë se është i shqetësuar nga gjendja e krijuar dhe se ndërprerja e punës nuk është zgjidhje dhe se siguria e hapësirës ajrore në Republikën e Shqipërisë, është çështje e sigurisë kombëtare.

 

Ai po ashtu u ka bërë thirrje Qeverisë dhe organeve drejtuese të “Albcontrol” që të vlerësojnë me kujdes kërkesat e kontrollorëve.

 

“Qeveria dhe Organet Drejtuese të ‘Albcontrol’, duhet të vlerësojnë me seriozitet dhe shumë kujdes kërkesat e kontrollorëve, qëndrimet zyrtare që ATCEUC-Kontrolluesit e Trafikut Ajror dhe Koordinimit të Bashkimit Europian, për gjetjen e një zgjidhjeje të drejtë, duke iu referuar praktikave më të mira të vendeve fqinje, për trajtimin e kontrollorëve të trafikut ajror në këtë kohë krize globale të shkaktuar nga COVID-19, ku para së gjithash primare duhet të jetë garantimi i sigurisë së fluturimeve në hapësirën ajrore shqiptare”, shkruan presidenti Meta.

 

Edhe kryeministri Edi Rama përmes një postimi në Twitter tha se “organizatorët do të kallëzohen penalisht dhe do të përballen me ligjin që ndalon rreptësisht ndërprerjen e aktivitetit të kullës nga ana e kontrollorëve”.

 

“Sabotimi i rëndë i aktivitetit të Aeroportit “Nënë Tereza” nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës ‘Leshko’ dhe fsheh dorën, duan mbylljen e aeroportit për të mos ardhur vaksinat.

Apel për kontrollorët e Rinasit: Ndahuni nga ata që ju futën në këtë lojë të çmendur me zjarrin! Braktisini në rrugën e tyre qorre organizatorët e kallzuar penalisht! Kush nuk kthehet në punë nesër, nuk do gjejë më vend në Albcontrol. Koha e Rrumpallës ka vdekur dhe nuk kthehet!”, tha Rama.

 

Greva e kontrollorëve të trafikut ajror ka çuar në ndërprerjen e fluturimeve mëngjesin e së mërkurës në Aeroportin Ndërkombëtar të Tiranës.

 

Arsyeja e kësaj proteste është fakti se 68 kontrollorët e “Albcontrol” kanë firmosur deklaratën për paaftësi të përkohshme për punë, pas nisjes së procedurave për shkarkimin e disa kolegëve të tyre.

 

Ata kërkojnë nënshkrimin e kontratave të reja, transparencë në fonde, qasje në vendimmarrje dhe kthimin në punë të kolegëve.

 

Vijimi i grevës mund të paralizojë të gjitha fluturimet në Shqipëri.

 

 

 

Greva, FNSH dhe ushtria marrin në kontroll Rinasin, Balluku ultimatum kontrollorëve:

 

Forcat e Ndërhyrjes së Shpejtë dhe ushtria kanë zbarkuar në aeroportin e Rinasit pasditen e kësaj të mërkure, 7 prill, pas grevës së kontrollorëve.

 

Ministrja e Transportit dhe Infrastrukturës, Belinda Balluku, njoftoi se ushtria do të marrë në ruajtje ndërtesën, ndërsa policia e shtetit do të lirojë ndërtesën nga ata kontrollorë të cilët kanë vendosur të mos jenë më kontrollorë.

 

Balluku pati dhe një ultimatum të fundit për ta që të bëjnë pas dhe ti rikthehen punës.

 

 

Mbërritja e trupave amerikane për stërvitjen e NATOS-s, Yuri Kim telefonatë urgjente me Ministrinë e Mbrojtjes për bllokimin e Rinasit

 

Ambasadorja e Shteteve të Bashkuara në Tiranë, Yuri Kim ka reaguar pas bllokimit të Rinasit. Burimet bëjnë me dije se Kim ka kontaktuar me Ministrinë e Mbrojtjes dhe ka kërkuar zgjidhjen e situatës para nisjes së fluturimeve që do të kryhen nga Shtetet e Bashkuara me avion dhe logjistikë ushtarakë të parashikuar këtë fundjavë.

 

Kujtojmë se këtë fundjavë është parashikuar të mbërrijnë në Shqipëri një pjesë e logjistikës dhe avionëve ushtarakë amerikanë për të realizuar një nga stërvitjet më të rëndësishme të NATOS-s, DEFENDER-Europe 21.

 

Stërvitja do të përfshijë pjesëmarrjen e afro 30 mijë trupave nga 26 shtete. Në Shqipëri do të kalojnë 6 mijë trupa dhe do të dislokohet rreth 20% e kapaciteteve ushtarake që do të marrin pjesë në këtë stërvitje.

 

Ndërkohë problem mbetet mbyllja e Rinasit, për të cilën ende nuk është gjetur një zgjidhje nga qeveria.

 

Më shumë

Del vendimi/ FIFA dënon Shqipërinë për incidentet me Poloninë

Federata Shqiptare e Futbollit është njohur mbrëmjen e sotme me vendimin e marrë nga Komiteti Disiplinor i FIFA-s, në lidhje me incidentet e ndodhura në ndeshjen Shqipëri-Poloni, e luajtur më datë 12 tetor 2021 në “Air Albania Stadium”. Vendimi i sotëm ndëshkon Federatën e Futbollit me një gjobë prej 150 mijë frangash dhe detyron […]

Ndotja nga hidrokarburet mban peng Gjanicën dhe rilindjen urbane në Fier

Qeveria shqiptare shpenzoi miliona euro për rehabilitimin urban të qytetit të Fierit, pa zgjidhur ndotjen e vazhdueshme të Gjanicës nga kompanitë e naftës, që i derdhin mbetjet e tyre në lumë.   Gjatë viteve të fundit, qeveria investoi miliona euro në rehabilitimin urban të Fierit. U prishën ndërtimet pa leje, u rehabilituan brigjet […]

Të verbrit në Shqipëri marshojnë për një jetë më dinjitoze

Dita ndërkombëtare e personave të verbër, e gjen këtë kategori duke vazhduar të përballet me mungesë infrastrukture dhe punësimi.   Me vetëm 12 mijë lekë në muaj si ndihmë shtetërore për të jetuar, ata kërkojnë mundësi për t’u punësuar por edhe semafore e rrugë të dedikuara që t’ua lehtësojnë jetën.   Daniela Nikolli, 25 […]

“Kalendar allaturka apo allafrënga”? – Si sot, më 15 tetor 1582, vitit kalendarik iu hoqën 10 ditë

Si sot, më 15 tetor 1582, vitit kalendarik iu hoqën 10 ditë, për të korrigjuar një gabim në përllogaritje. Kujtohi pak shprehjet që hasen ende në shqip: “kalendar allafrënga” dhe “kalendar allaturka”, ose “kalendar i ri” dhe “kalendar i vjetër”. Në thelb, bëhet fjalë për dy prej kalendarëve më të përdorur në Kontinentin e […]

  • © 2017 Albanian Profile Të gjitha të drejtat e rezervuara