e shtunë 23 janar 2021
e shtunë 23 janar 2021

 

Universiteti “Ismail Qemali” i përgjigjet thirrjes së Kryetarit të Kuvendit, z. Gramoz Ruçi, për pranimin e përkufizimit mbi antisemitizmin.

 

Para disa kohësh, Kuvendi i Shqipërisë, në partneritet me Lëvizjen Kundër Anti-Semitizmit dhe Agjencinë për Hebrenjtë të Izraelit organizoi para disa kohësh Forumin e parë Ballkanit 2020 kundër Anti-Semitizmit, me pjesëmarrjen dhe kontributin e personaliteteve të shquar dhe miqve të mëdhenj të shqiptarëve dhe hebrenjve, Sekretarit të Shtetit Pompeo, Presidentit të Parlamentit Europian Sassoli dhe autoriteteve të larta nga Kombet e Bashkuara, Shteti i Izraelit, kryeparlamentarëve të Kosovës, Maqedonisë së Veriut, Malit të Zi, trupit diplomatic dhe ekspertëve.

 

Pas kësaj, Kryetari i Kuvendit, Ruçi u bëri thirrje botës akademike dhe shoqërisë civile që të adopoptjunë dhe pranojnë këtë përkufizim.

 

Universiteti “Ismail Qemali” në Vlorë është ndër të parët që iu përgjigj kësaj thirrjeje. Në një letër drejtuar kreut të Kuvendit, z. Gramoz Ruçi, Rektori i Universitetit “Ismail Qemali”, Prof. Dr. Roland Zisi, njofton se më datë 07.12.2020 Senati Akademik, miratoi unanimisht Përkufizimin e Përdorshëm për Antisemitizmin të Përcaktuar nga Aleanca Ndërkombëtare për Përkujtimin e Holokaustit në seancën plenare zhvilluar në Bukuresht në datën 26 maj 2016 sipas të cilit: “Antisemitizmi është një perceptim i caktuar për hebrenjtë, i cili mund të shprehet si urrejtje ndaj hebrenjve. Manifestimet retorike dhe fizike të antisemitizmit drejtohen ndaj individëve hebrenj ose jo hebrenj dhe/ose ndaj pronës së tyre, ndaj institucioneve dhe objekteve fetare të komunitetit hebraik”. Miratimi i këtij përkufizimi vjen në vazhdën e traditës së mbështetjes dhe rolit të veçantë të qytetit të Vlorës në krijimin e dimensioneve dhe hapsirave për hebrenjtë, duke i mbrojtur dhe strehuar specifikisht gjatë holokaustit, si dhe të parimeve të Universitetit “Ismail Qemali”, Vlorë, në edukimin dhe orientimin e brezave të rinj drejt vlerave të bashkëjetesës, tolerancës dhe të drejtave të njeriut. Universiteti “Ismail Qemali” e cilëson përdorimin e këtij përkufizimi, si një instrument orientues gjatë veprimtarisë së tij, një hap të rëndësishëm në luftën globale kundër antisemitizmit dhe kërcënimeve ndaj vlerave liberale demokratike.”, shkruan Rektori Zisi.

 

Universiteti “Ismail Qemali” është institucioni i parë i arsimit të lartë në Shqipëri, i cili renditet në krah të universiteteve ndërkombëtare të 24 vendeve të Europës që kanë adaptuar këtë përkufizim jetësor dhe mirëkuptues, duke dëshmuar edhe një herë angazhimin në ndëmarrjen dhe rritjen e masave sensiblizuese dhe edukative kundër ekstremizmit të dhunshëm, manifestimit të intolerancës dhe diskriminimit duke përfshirë edhe antisemitizmin.

 

 

Më shumë

Akademia e Shkencave miraton Përkufizimin Universal të Antisemitizmit

Institucioni ka promovuar historikisht studimin e Holokaustit dhe mësimet e tij; si i tillë, miratimi i përkufizimit të punës së IHRA është “një hap plotësisht i natyrshëm”.     JNS – Akademia e Shkencave e Shqipërisë, institucioni më i rëndësishëm shkencor i vendit, miratoi të enjten përkufizimin e punës së Aleancës Ndërkombëtare të Përkujtimit […]

177 vjet nga lindja e Atit të Kombit, Ismail Qemali

Udhëheqës i Lëvizjes Kombëtare Shqiptare. Lindi në Vlorë më 16 Janar 1844 në një nga familjet më të mëdha të Shqipërisë së Jugut. Pasi kreu shkollën fillore në vendlindje, vijoi studimet në shkollën plotore turke në Selanik, ku ishte internuar familja e tij dhe më pas kreu gjimnazin “Zosimea” në Janinë. Në vitin 1860 […]

Urgjenca Kombëtare bën bilancin: Në 2020 ndodhën 6248 aksidente rrugore me 159 viktima

Pavarësisht se viti 2020 ishte pjesësisht në karantinë dhe me dalje të kufizuara, aksidentet rrugore kanë regjistruar sërish një bilanc të errët. Sipas të dhënave, gjatë 2020, në të gjithë vendin janë regjistruar 6248 aksidente, ndërsa 159 persona kanë humbur jetën. Numrin më të lartë të aksidenteve e regjistron Tirana me 2631 aksidente, e […]

157 – vjetori i lindjes së Isa Boletinit

Isa Boletini i njohur si Isë Boletini u lind në Boletin afër Mitrovicës më 15 janar 1864 dhe u shua në Podgoricë më 23 janar 1916.   Është një ndër figurat qendrore kombëtare dhe kryengritës shqiptar në Vilajetin e Kosovës, pjesëmarrës në rini në veprimet e Lidhjes së Prizrenit. Më pas shërbeu si kryetar […]

  • © 2017 Albanian Profile Të gjitha të drejtat e rezervuara