Varianti i ri i koronavirusit që u identifikua në Angli mbërrin në Itali

Ministria italiane e shëndetësisë ka raportuar se kanë gjetur një pacient të infektuar me të njëjtin lloj mutacioni të koronavirusit si në Mbretërinë e Bashkuar.

Sipas The Guardian, pacienti i infektuar u kthye ditët e fundit në Itali nga Mbretëria e Bashkuar me partnerin, kur zbritën në aeroportin Fiumiciano të Romës.

Bazuar në njoftimin e ministrisë, të dy gjenden në izolim. Organizata Botërore e Shëndetësisë, ka deklaruar se raste me llojin e ri të koronavirusit që u zbulua në Mbretërinë e Bashkuar, janë identifikuar edhe në Danimarkë, Holandë dhe në Australi.

Zyrtarët e lartë të shëndetësisë thanë se nuk kishte prova që varianti i ri ishte më vdekjeprurës, ose do të reagonte ndryshe ndaj vaksinave.

Varianti i ri i koronavirusit, çfarë dihet deri më tani?

Përhapja me shpejtësi e një varianti të ri të koronavirusit është bërë shkak për masa të rrepta në Britaninë e Madhe, por jo vetëm. Shumë shtete europiane kanë vendosur të ndalojnë fluturimet drejt këtij shteti.

Por përse po shkakton ky variant i virusit shqetësim? Tre janë elementët e bërë bashkë që kanë e bëjnë të rëndësishëm.

-Po zëvendëson me shpejtësi versionet e tjera të virusit.

-Ka mutacione që prekin pjesë të rëndësishme të virusit.

-Disa prej këtyre mutacioneve në laborator kanë treguar se rrisin aftësinë e virusit për të infektuar qelizat.

Të gjitha këto bashkë bëjnë që virusi të përhapet më me shpejtësi.

Megjithatë, sipas asaj që shkruan BBC, ekspertët nuk kanë vërtetësi absolute për këtë. Kjo formë e re mund të bëhet e zakonshme thjesht duke qenë në vendin e duhur në momentin e duhur.

Ajo u detektua për herë të parë në Shtator. Në Nëntor, rreth një e katërta e rasteve në Londër ishin varianti i ri. Në Dhjetor arriti gati dy të tretat e rasteve. Në disa qendra në Britani ky variant dominon rezultatet e testeve.

Teksa njoftoi masat e ashpra në të gjithë vendin, Kryeministri britanik Boris Johnson tha se varianti i ri mund të jetë mbi 70 përqind më i transmetueshëm. Megjithatë ekspertët thonë se momentalisht është ende shumë herët për ta saktësuar këtë. Sipas tyre, ky variant po rritet me shpejtësi, më shpejt se varianti i mëparshëm.

• 

  Europa të bëhet një shtet i vetëm, si SHBA: Del plani gjerman!

• 

  Poloni: Dhjetëra mijëra vetë kërkojnë qëndrimin në BE

• 

  Vendet e BE kërkojnë fonde për ndërtimin e mureve të emigracionit

• 

  Polonia, hapi i parë drejt largimit nga BE?

• 

  Samiti i Brdos: Liderët e BE rikonfirmojnë unitetin

• 

  BE mbështet Francën në grindjen për nëndetëset