e premte 3 dhjetor 2021
e premte 3 dhjetor 2021

 

Polonia po përballet me një krizë të madhe emigrantësh ndërsa mijëra njerëz po përpiqen të hyjnë në territorin e saj nga Bjellorusia. Autoritetet polake kanë krijuar një të ashtuquajtur “zonë përjashtimi”, ku nuk lejohen të futen vullnetarët që duan të ndihmojnë emigrantët që mbërrijnë në tokën e Bashkimit Evropian. Korrespondenti i Zërit të Amerikës Ricardo Marquina ishte në kufirin mes Polonisë dhe Bjellorusisë.

 

 

Autoritetet polake kanë krijuar një zonë përjashtimi, duke u pamundësuar gazetarëve dhe aktivistëve humanitarë qasjen në zonën ku po arrijnë mijëra emigrantë nga vende si Iraku dhe Siria.

 

Miçalovo dhe qytete tjera në afërsi të kufirit, kanë organizuar qendra të ndihmave humanitare për të ndihmuar sado pak emigrantët që arrijnë të kalojnë pengesat kufitare. Autoritetet lokale thonë se masat e ndërmarra në kufi kanë pakësuar dukshëm fluksin e emigrantëve nga Bjellorusia në Poloni.

 

“Situata po ndryshon çdo ditë. Tani, me praninë e shtuar të ushtarëve dhe rojeve kufitare është më e lehtë. Po bëjmë aq sa mundemi. Ne ofrojmë ndihmë për rojet kufitare, sepse çdo ditë dikush e kalon kufirin”, thotë për Zërin e Amerikës, Konsrad Sikora, nënkryetar i Bashkisë së Miçalovos.

 

Por aktivistët kritikojnë qeverinë që nuk po lejon ata të ndihmojnë emigrantët në nevojë.

“Na duhet ndihmë humanitare më afër kufirit. Po i bëjmë thirrje të vazhdueshme qeverisë të na lejojnë”, thotë aktivisti Purtas Pur.

 

Mijëra njerëz janë mbledhur në pyjet në afërsi të kufirit në temperatura shumë të ulëta. Aktivistët polakë thonë se emigrantët që arrijnë të kalojnë kufirin po kthehen në Bjellorusi nga rojet kufitare të Polonisë, siç ndodhi me një familje të madhe kurde.

 

“Në atë familje ishin pesë fëmijë. Nuk kishin ngrënë për nëntë ditë në pjesën bjelloruse të kufirit. Po atë natë që arritën të futen në Poloni, u rikthyen në Bjellorusi”, thotë aktivistja Joana Aisha Iwinska.

 

Aktivistë për të drejtat e njeriut mendojnë se akuzat mes Varshavës dhe Minskut duhet të ndalen, në mënyrë që kjo krizë humanitare – ndër më të rëndat së fundmi në Evropë – të përfundojë.

 

“Duhet të gjejmë një mënyrë për të qetësuar situatën dhe të përqëndrohemi në dhënien fund të vuajtjeve”, thotë Dunjha Mijatoviç, Komisionere për të Drejtat e Njeriut në Këshillin e Evropës.

 

Kriza politike dhe mbi të gjitha ajo humanitare po vazhdon, duke u pamundësuar grupeve humanitare të ndihmojnë ata që kanë nevojë dhe gazetarëve të tregojnë historitë e tyre.

 

 

Më shumë

Sa mirë i mbron BE gazetarët?

Kur Daphne Caruana Galizia u vra në një sulm me bombë me makinë më 16 tetor 2017, kjo shkaktoi shqetësim jo vetëm në Evropë, por në mbarë botën. Por gazetarja malteze nuk është e vetmja që i është dashur të paguajë me jetën e saj për hulumtimet e saj mbi korrupsionin dhe pastrimin […]

Zbulohet plantacioni më i madh i drogës në Europë

Policia spanjolle zbuloi dhe sekuestroi plantacionin më të madh të marjuanës në Europë. Bëhet fjalë për një sipërfaqe toke prej 12 hektarësh ku kultivoheshin të paktën 135 mijë rrënjë, në qytezës Huerta de Valdekara’banos, 70 kilometra në jug të kryeqytetit Madrid.   Policia arrestoi 3 persona gjatë një operacioni anti-drogë në këtë zonë, ndërsa […]

Protesta kineze kundër zbatimit të certifikatës shëndetësore COVID-19 në Itali

Një komunitet kinez në provincën e Prato, Itali, deklaroi se certifikata shëndetësore COVID-19 e zbatuar nga qeveria italiane ka shkaktuar ndëshkim të padrejtë për komunitetin. Komuniteti kinez u kërkoi autoriteteve të interpretojnë rregullat në mënyrë fleksibile.   (Rrjeti kinez i Deutsche Welle) – Komuniteti kinez në provincën e Prato është një nga komunitetet më […]

E vërteta e tmerrshme: Deportimi i hebrenjve para 80 vjetësh

Më 18 tetor 1941 treni i parë me hebrenjtë që po deportoheshin u largua nga stacioni Grunevald i kryeqytetit të Rajhut, Berlin. Presidenti Steinmeier shprehet, se kurrë nuk duhet të ketë vend antisemitizmi në Gjermani.   Presidenti gjerman, Frank-Walter Steinmeier në ceremoninë përkujtimore, 80 vjet pas fillimit të deportimeve të hebrenjve berlinezë më […]

  • © 2017 Albanian Profile Të gjitha të drejtat e rezervuara