e martë 16 gusht 2022
e martë 16 gusht 2022

 

 

Ambasadori rus në ShBA, Anatoly Anonov, tha se Shtetet e Bashkuara kanë kërkuar që 24 diplomatë rusë të largohen nga vendi pasi t’u kenë skaduar vizat në shtator. Veprimi vjen pak pasi Ambasada amerikane në Moskë u detyrua të pushojë dhjetëra rusë që punonin për ambasadën.

 

 

Zyrtarët amerikanë thonë se pas vendimit që 24 diplomatëve rusë t’u kërkohet largimi nga ShBA deri më 3 shtator, nuk fshihen lojëra politike.

 

Zëdhënësi i Departamentit të Shtetit, Ned Price, tha se gjithçka është pjesë e procesit që u kërkon diplomatëve rusë që punojnë në ShBA të rinovojnë vizën çdo tre vjet.

 

“Kufiri tre-vjeçar i vizës për rusët nuk është diçka e re. Pas skadimit të vizave nga këta persona, pritet edhe largimi nga vendi ose aplikimi për vazhdimin e vizës”, tha ai.

 

Por zyrtarët rusë thonë se ShBA po i detyron të largohen për shkak të siç thonë ata procedurave të shtrënguara të vazhdimit të vizave.

 

Veprimi i Shteteve të Bashkuara vjen pak pasi Rusia i ndaloi ShBA-së punësimin e shtetasve rusë dhe atyre nga palë të treta të punojnë në Ambasadën amerikane në Moskë.

 

Kjo deyroi ShBA-në të pushojë nga puna më shumë se 180 punonjës lokalë.

 

Ekspertët thonë se kjo shtoi presionin ndaj ambasadës.

 

“Çështja e vizave është shumë e rëndësishme. Studentëve rusë dhe rusëve që duan të vizitojnë Shtetet e Bashkuara, u kërkohet vizë për të hyrë në ShBA. Kërkesat ndaj ambasadës janë të larta, edhe në një ambasadë të madhe si ajo amerikane në Moskë, sepse duhet ndihmë. Prandaj qeveria amerikane punëson rusë lokalë, për punë të rëndësishme, kryesisht për të ndihmuar lidhur me vizat. Këto punësime i shërbejnë një bashkëpunimi më të mirë”, tha Donald Jensnen nga Instituti amerikan për Paqe.

 

Masa e Krelmimit për të ndaluar rusët të punojnë për Ambasadën amerikane u mor në prill.

 

E gjithë kjo është pjesë e një beteje të gjatë e nivelit të ulët diplomatik mes Uashingtonit dhe Moskës, që po vazhdon që nga administrata Trump.

 

Beteja diplomatike mes palëve arriti kulmin në mars 2021 kur ambasadori rus në ShBA, Anatoly Antonov, u largua nga Shtetet e Bashkuara për konsultime në Rusi.

 

Më vonë, ambasadori amerikan në Rusi, John Sullivan, u këshillua që të kthehej në Uashington për disa udhëzime.

 

Të dy diplomatët janë kthyer në postet e tyre, por marrëdhëniet mes dy vendeve mbeten të ftohta, pavarësisht një takimi mes Presidentit amerikan Joe Biden dhe homologut të tij rus, Vladimir Putin, në qershor.

 

Ekspertët besojnë se ky është tregues i vështirësive në marrëdhëniet dypalëshe.

 

“Kremlini po ndjek politika shumë të rrezikshme që bien ndesh me interesat tona. Masat tona duhet të jenë të qëndrueshme dhe të ndalin ato politika”, tha John Herbst nga Këshilli i Atlantikut.

 

Pavarësisht situatave të krijuara, zyrtarët në Moskë dhe Uashington thonë se janë të përkushtuar për angazhim të vazhdueshëm në çështje strategjike në shkallë të gjerë. VOA

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara