e diel 5 dhjetor 2021
e diel 5 dhjetor 2021

 

 

Në Shqipëri po lindin më pak bebe, ndërsa vdekshmëria foshnjore vijon të mbetet në nivele të larta e shqetësuese. Vetëm gjatë vitit të shkuar, sipas të dhënave nga Instituti i Statistikave, humbën jetën 281 fëmijë pa mbushur moshën 1 vjeç, ndërsa marrë në rrafshin e 7 viteve të fundit, shifra shkon në 1871.

 

Thënë ndryshe, në vend përfundojnë në fatalitet 10 foshnjë për çdo 1 mijë lindje, raport ky që luhatet e rritet nga viti në vit. (grafik vdekshmëria foshnjore për çdo 1 mijë lindje në Shqipëri 2014-2020).

 

Për sa i përket gjinisë, bebet meshkuj janë më së shumti të rrezikuar për të humbur jetën pa mbushur moshën 1 vjeç. Po cilat janë arsyet kryesore që çojnë në vdekjen e foshnjave? “Ka rëndësi edhe mosha e nënës, trajtimi, ushqyerja, konsumimi i nikotinës, alkoolit, që çojnë në lindje të parakohshme”, thotë Entela Rexhepi, specialiste e gjinekologjisë.

 

 

Në Shqipëri, humbin jetën më shumë bebe se në çdo shtet të Rajonit. Në vend, raporti i fataliteteve për çdo 1 mijë lindje është 10, duke u ndjekur nga Kosova, Maqedonia e Veriut, Bosnjë-Hercegovina, Serbia e Mali Zi.

 

Në fakt, vendi ka vdekshmërinë foshnjore më të lartë në kontinent. Në Bashkimin Europian, mesatarja e vdekshmërisë foshnjore është në nivelin e 3.4 humbje jete për 1 mijë lindje, shifër kjo 3 herë më e ulët se në Shqipëri. Vdekshmëria foshnjore, një nga treguesit kyçë të matjes së cilësisë së shërbimeve shëndetësore dhe gjendjes ekonomike e sociale të vendit.

 

 

Më shumë

Pfizer nxjerr ilaçin e ri kundër Covid-19, uli me 90 për qind shtrimet në spital dhe vdekjet

Kompania Pfizer Inc. tha të premten se ilaçi i saj eksperimental antiviral për COVID-19 uli me gati 90% rastet e shtrimeve në spital dhe vdekjeve tek të rriturit me rrezikshmëri të lartë, ndërsa kjo kompani hyn në garë për të sjellë në tregun amerikan pilulën e parë të lehtë për t’u përdorur kundër koronavirusit. […]

Në 2020-n, shqiptarët shpenzuan 72 milionë euro më shumë për shëndetin

Vitit 2020 ishte i jashtëzakonshëm, teksa pandemia ndikoi ndjeshëm shëndetin e popullatës dhe aktivitetin e ekonomisë.   Ndërsa vala e parë e virusit u arrit të frenohej si rrjedhojë e karantinës së fortë, në pjesën e dytë të vitit shumë familje dhe individë u gjendën përballë zgjidhjeve të vështira, ndërsa për shumë pasojat ishin […]

100 Vjet Kryqi i Kuq Shqiptar

Si sot, më 4 tetor 1921, u themelua Kryqi i Kuq Shqiptar. Është shoqata më e vjetër humanitare në Shqipëri. Ai është njohur zyrtarisht nga Komiteti Ndërkombëtar i Kryqit të Kuq në vitin 1923. Që nga ky vit është anëtar i Federatës (në atë kohë Ligës) së Shoqatave të Kryqit të Kuq dhe Gjysmëhënës […]

Tetori Rozë – 1 në 8 gra me kancer gjiri!

Tetori, në të gjithë botën është muaji i ndërgjegjësimit për zbulimin e hershëm të kancerit të gjirit.   Jepini vetes vetëm 30 minuta kohë për shëndetin tuaj.  Sot 1 në 8 gra diagnostikohet me kancer të gjirit.  Kapja e hershme e kësaj sëmundje të shpëton nga vdekja. Mesazhi vjen nga gra që janë përballuar me sëmundjen […]

  • © 2017 Albanian Profile Të gjitha të drejtat e rezervuara