e premte 3 dhjetor 2021
e premte 3 dhjetor 2021

 

Komisioni i Venecias ka publikuar opinionin final lidhur me paketën anti-shpifje në Shqipëri. “Si në shumë vende të tjera, media online po rritet me shpejtësi në tregun e mediave në Shqipëri. Deri  vonë, ajo rregullohej me dispozitat e përgjithshme të ligjit civil e penal, ligjit për shpifje, gjuhës së urrejtjes etj.

 

Sipas mendimit të propozuesve të propozuesve të reformës, këto mjete ligjore ishin joefektive. Kjo çonte në sjellje të papërgjegjshme të mediave: përhapja e thashethemeve lënduese, sulmeve shpifëse ndaj personave publikë etj.

 

Qeveria prezantoi atë që quhet “paketa anti-shpifje” e cila do të zgjerojë kompetencën e Autoritetit të Mediave Shqiptare (AMA) duke i dhënë këtij autoriteti kompetenca të reja administrative në këtë fushë.

 

Draft-amendimet u bënë subject i konsultimeve publike dhe iu nënshtruan ndryshimeve në përjgigje të kritikës së shprehur nga partnerët e brendshëm dhe ndërkombëtarë të Shqipërisë.

 

Komisioni i Venecias pranon përpjekjet e autoriteteve shqiptare për të qenë transparente, për t’iu përgjigjur kritikave dhe për të përmirësuar projekt-ndryshimet.

 

Autoritetet shqiptare treguan se ishin të hapur për dialog dhe shfaqën shqetësimin e tyre për ruajtjen e fjalës së lirë në vend. Pra është diçka që duhet të realizohet falë praktikave gjyqësore të Gjykatës Europiane për të Drejtat e Njeriut,” shkruhet në raport.

 

Në konkluzion final të raportit të siguruar nga Gazeta “Shqip” kërkohet edhe rishikimi i përbërjes së Autoritetit të Medias Audiovizuale

 

Në pikën 71 të konkluzioneve të Komisionit të Venecias shkruhet:

 

Kështu do të jetë e dobishme të rishikoni metodën e zgjedhjes së AMA, për të siguruar që këto organe të kenë një përbërje pluraliste, me njerëz të kualifikuar që përfaqësojnë komunitetin e mediave dhe gëzojnë një autonomi të besueshme nga qeveria. Komisioni i Venecias ndërsa vlerësoi reformën gjithëpërfshirëse të AMA-s, për të rritur pavarësinë dhe profesionalizmin e saj, gjë që mund të jetë politikisht sfiduese. Por Komisioni është kundër zgjatjes së mandatit të AMA-s në fushën e mediave online pa pasur një gjykim të pavarur dhe profesional. Drafti aktual, nëse nuk rishikohet me thellësi, mbart një potencial domethënës për të shkaktuar më shumë dëm se sa është në të mirë të lirisë së shprehjes në Shqipëri.

 

Në pikën 72, Komisioni i Venecias kërkoi nga autoritetet shqiptare krijimin e një organi rregullues efektiv dhe të pavarur të vetë rregullimit ku të jenë pjesë të gjithë aktorët përkatës të komunitetit të mediave.

 

Ndërkohë, për të adresuar problemin e sjelljes dashakeqe ose të papërgjegjshme të mediave në internet, Komisioni i Venecias inkurajon autoritetet shqiptare të mbështesin krijimin e një organi rregullues efektiv dhe të pavarur të vetë rregullimit që përfshin të gjithë aktorët përkatës të komuniteti i mediave dhe i aftë të sigurojë një sistem efektiv dhe të respektuar të përgjegjshmërisë së mediave në fushën e mediave online përmes vetë-rregullimit. Për më tepër, është e nevojshme të sigurohet efektiviteti i juridikut ekzistues dhe, veçanërisht, mjeteve juridike që luftojnë kundër shpifjes dhe gjuhës së urrejtjes të bëra përmes publikimeve në internet.

 

Raporti i Venecias erdhi pas kërkesës së Asamblesë së Këshillit të Europës, ky organizëm e kontestonte një ligj të tillë.

 

Më shumë

Indeksi Global i Drejtësisë, Shqipëria në vendin e 78 në 120 shtete, përkeqësohet me 4 vende në vitin e reformës

Edhe pse Shqipëria ka bërë një reformë thelbësore në sistemin e drejtësisë, duke vënë në funksion institucione të reja dhe një proces të gjatë vettingu për gjyqtarët dhe prokurorët, Shqipëria bëri hapa pas në Indeksin Global për sundimin e ligjit në vitin 2020 i publikuar nga “World Justice Project”, një institut ndërkombëtar me qendër […]

Shqipëria ndër vendet e Europës, me më shumë vdekje nga aksidentet rrugore 

Në Shqipëri, në vitin 2019 humbën jetën 227 persona, sipas të dhënave të INSTAT.   Në raport me popullsinë, vendi shënoi 80 fatalitete nga aksidentet rrugore për 1 milionë banorë.   Kjo shifër e rendit Shqipërinë ndër vendet me vdekjet më të larta nga aksidentet rrugore në raport me popullsisë dhe gati 60% […]

Shqipëria, e fundit në Europë për të ardhurat për frymë dhe konsumin edhe më 2020, thellohet diferenca me rajonin

Shqipëria u rendit e fundit në Europë për të ardhurat dhe konsumin për frymë, në raport me mesataren e BE-së edhe për vitin 2020.   Sipas të dhënave të Eurostat, Prodhimi i Brendshëm Bruto (PBB) për Frymë në Shqipëri ishte sa 31% e mesatares së BE-së në vitin 2020 i njëjti nivel si viti […]

Sondazhi: Besim minimal tek partitë, qeverisja perceptohet si jotransparente dhe e korruptuar

Instituti për Demokraci dhe Ndërmjetësim publikoi sot Sondazhin e përvitshëm të opinionit publik “Besimi në qeverisje 2020”.   Qytetarët pohuan se besimin më të lartë, afro 70 për qind, e kanë tek institucionet fetare, e më pas vijnë ato arsimore brenda vendit dhe tek NATO, OKB dhe BE jashtë Shqipërisë.   Ndërsa institucionet me […]

  • © 2017 Albanian Profile Të gjitha të drejtat e rezervuara