Vetëvrasja e dytë e pacientëve te Covid-2, Shoqata e Infermierëve rendit 5 shkaqe

Mbrëmjen e lënë pas një tjetër pacient i dha fund jetës duke u hedhur nga kati i katërt i spitalit Covid-2, ish-Sanatoriumi.

Pas rastit të dytë të ngjashëm, Shoqata e Infermiereve rendit pesë shkaqe se pse po vetëvriten pacientët e infektuar me koronavirus.

Gjithçka pasi mbrëmjen e së mërkurës 65-vjeçari Hasan Mira, u hodh nga kati i katërt i spitalit.

Ndërkohë rasti i parë është ai i 29-vjeçarit Xhino Koça nga Durrësi, i cili dha fund tragjikisht jetës mëngjesin e 13 gushtit, duke u hedhur nga kati i tretë i spitalit “Shefqet Ndroqi” ku ndodhej i shtruar prej 4 ditësh pasi ishte prekur nga koronavirusi.

Mesazhi i Shoqatës së Infermierëve

Pse po vetëvriten pacientët me Covid-19????

Shënohet rasti i dytë në spitalin “Shefqet Ndroqi” në Sanatorium ku pacienti hidhet nga kati i katërt i spitalit duke gjetur vdekjen.

1.Jemi i vetmi vend ku kemi mungesë stafi mjekësore për shërbimin e pacientëve. Me kapacitetin e stafit mjekësore ku pothuajse gjysma është vetë i prekur me Covid-19 nuk mund të ketë një shërbim cilësor ndaj pacientëve.

2.Mungesa e shërbimit të punonjësit social, psikologut etj., sjell këtë gjendje tek pacientët. Kur dihet që shumica e pacientëve pësojnë dëmtime serioze si nga ana emocionale dhe psikologjike përpos sëmundjes që kanë. Asnjë shërbim psikologu nuk është ofruar në asnjë spital dhe ndaj asnjë pacienti me covid. Jo vetëm kaq por dhe mungesa e mjekëve të tjerë specialistë si kardiologu, endokrinologu etj., për pacientët me sëmundje shoqëruese është një faktor tjetër që ndikon.

3.Izolimi total ndaj familjarëve duke mos i lejuar asnjë formë kontakti me ta krijon stres psikologjik te këta pacientë (shpesh as kontaktet në telefon nuk lejohen)

4.Përdorimi pa kriter i disa mjekimeve ose krijon hemorragji tek pacientët ose krijon tromboemboli tek ata.

5.Kur një pacient ndërron jetë mbahet në të njëjtën dhomë me pacient tjetër deri në momentin që merret nga mjekësia ligjore dhe në këtë situatë një pacient me covid pëson shok psikologjik duke pasur në dhomë pacient që ka humbur jetën.

Këto dhe shumë faktorë të tjerë janë faktorë që po ndikojnë në anën psikologjike tek të sëmurët me covid.

Edhe sa kohë duhet të heshtet nga institucionet dhe personat përgjegjës???

Edhe sa jetë duhet të humben që të reagojnë institucionet që tu vihen në shërbim punonjësit e duhur pacientëve në spitale sepse është dhe një numër i madh që trajtohen në shtëpi që jo vetëm shërbimi i psikologut ju mungon por dhe çdo shërbim tjetër i nevojshëm.

E vetmja gjë që na mbetet është TË LUTEMI PËR KËTA TË SËMURË.

• 

  Vaji i palmës favorizon përhapjen e kancerit

• 

  Dita Botërore kundër HIV-AIDS – Më shumë meshkuj nën 20 vjeç të prekur në Shqipëri

• 

  Omicron – varianti i ri i COVID-19 i identifikuar në Afrikën e Jugut

• 

  Vdekshmëria foshnjore, Shqipëria është vendi me bilancin më negativ në kontinent

• 

  Pfizer në kaos/ E punësuara vodhi dokumentet konfidenciale për vaksinën antiCovid dhe ia mbathi

• 

  BE rekomandon përdorimin e pilulës së Merck kundër COVID-19