e diel 16 maj 2021
e diel 16 maj 2021

 

Fushata zgjedhore po vazhdon përmes shkeljeve të shumta ligjore nga partitë.

Vëzhgues vendas raportojnë se partitë politike po bëjnë fushatë sipas traditës së hershme, duke abuzuar me burimet shtetërore, duke bërë presion administratës, duke fyer kundërshtarët dhe duke ndryshuar komisionerët deri në minutën e fundit.

 

Në Shqipëri, vëzhgues të pavarur të fushatës zgjedhore vlerësojnë se veprimtaria partiake e javëve të fundit po shfaq të njëjtat shkelje ligjore si dhe në zgjedhje të mëparshme.

Shoqata për Kulturë Demokratike, një organizatë me përvojë 30-vjeçare në vëzhgimin e proceseve zgjedhore publikoi sot një raport të ndërmjetëm, sipas të cilit partitë vazhdojnë të përdorin gjuhë poshtëruese ndaj kundërshtarëve politikë, dhe një seri shkeljesh të tjera.

Raportuesit e saj vullnetarë nga gjithë vendi njoftojnë se vonimi i fletës së votimit vonoi proceset e tjera në raport me qytetarët, komisionet zonale po ndërrojnë shpesh qendrat e votimit edhe vet komisionerët, duke mos njohur kuadrin ligjore dhe duke vështirësuar votimin e qytetarëve,

“Një mungesë e ndjeshme është shkelja e të drejtës së votimit e zgjedhësve shqiptarë me vendbanimin e përhershëm jashtë territorit të Republikës së Shqipërisë, një detyrim shtetëror i paplotësuar ndaj shtetasve të vet për një të drejtë të pamohueshme. Po ashtu kontrolli i veprimtarive të ndaluara të zyrtarëve qendrore dhe vendorë nga KQZ rrezikon që të kthehet në një “mision të pamundur”, – tha Gerta Meta, drejtuese e Shoqatës për Kulturë Demokratike.

Në raportin e saj thuhet se partitë po përdorin burimet e administratës shtetërore për fushatë partiake, administratës publike po i bëhet presion i vazhdueshëm dhe zyrtarët po zhvillojnë fushatën sipas mënyrave të tyre të vjetra, duke shkelur Kodin e ri Zgjedhor.

Përfshirjen e anëtarëve të qeverisë në mënyrë të parregullt në fushatë zgjedhore e nxori sot në dritë edhe Qëndresa Qytetare, një organizatë rinore që gjithashtu po monitoron fushatën zgjedhore.

“Qëndresa Qytetare ka monitoruar aktivitetin publik të 3 ministrave Klosi, Denaj dhe Kushi në fushatë elektorale, ku rezulton se nga data 30 mars deri në 13 prill ministrat kanë qënë në krye të fushatës në zonat zgjedhore ku kandidojnë dhe jo në krye të detyrës nga e hëna në të premte, punë për të cilën paguhen nga taksat e qytetarëve. Kodi Zgjedhor ndalon pjesëmarrjen në fushatë e administratës publike gjatë orarit zyrtar të punës” – tha Rigels Xhemollari, përfaqësues i Qëndresës Qytetare.

Vëzhguesit vendas u bëjnë thirrje partive politike dhe institucioneve shtetërore të zhvillojnë fushatën brenda kufijve ligjorë, të mos ndryshojnë komisionerët deri në minutën e fundit, të shmangin presionet ndaj administratës publike, të bëjnë transparente financimet dhe të mos përdorin gjuhë denigruese ndaj njëri tjetrit.

Pothuaj të gjitha këto pika janë shqetësime të vazhdueshme të zgjedhjeve në Shqipëri, dhe kanë qenë vazhdimisht në krye të rekomandimeve të OSBE- ODIHR për përmirësimin e proceseve zgjedhore, që shpesh kanë shkuar me lehtësi deri në mos njohjen e rezultateve nga humbësit, me pretendimin e vjedhjes së votave.

Më shumë

Varhelyi në Tiranë, 145 mijë vaksina donacion: Pa parlament të plotë nuk ecet drejt BE

Komisioneri europian për Zgjerimin Oliver Varhelyi, tha sot në Tiranë se “pa një parlament të plotë nuk është e mundur të ecet drejt Bashkimit Europian”. Ai bëri këto komente në përgjigje të një pyetje lidhur me situatën politike në Shqipëri pas zgjedhjeve të 25 Prillit.   Opozita në vend i mbahet qëndrimit të saj […]

Socialistët fitojnë zgjedhjet me ndihmën e ndryshimeve kushtetuese

Partia Socialiste fitoi një mandat të tretë dhe të paprecedent në zgjedhjet e së dielës duke marrë afërsisht të njëjtën sasi votash me vitin 2017 ndërsa garimi i ndarë i PD dhe LSI i solli atyre mandate të humbura në disa fushëbeteja kyçe. Deri mëngjesin e së martës janë numëruar rreth 90% e kutive […]

“Terra Data” kompania izraelite e inteligjencës artificiale gjeti fituesin e zgjedhjeve në Shqipëri

Bëhet fjalë për “Terra Data Analytics”, një kompani e analizimit të të dhënave digjitale dhe e marketingut digjital, e cila ka parashikuar rezultatin e saktë të zgjedhjeve në vende të ndryshme, përfshirë këtu ato lokale në Turqi, zgjedhjet presidenciale në Kroaci, por edhe ato në SHBA e Izrael.   Në Tiranë është dikush që […]

Ambasadorja amerikane: Liderët politikë duhet të presin me durim rezultatin

Ambasadorja amerikane në Shqipëri, Yuri Kim ka dhënë një deklaratë për shtyp nga KZAZ 39, ku u bëri thirrje kandidatëve dhe udhëheqësve politikë që të presin në qetësi dhe durim rezultatin e zgjedhjeve.   “Detyra e kandidatëve dhe udhëheqësve politikë është që të presin të qetë dhe me durim rezultatin. Në entuziazmin e momentit […]

  • © 2017 Albanian Profile Të gjitha të drejtat e rezervuara