e martë 22 qershor 2021
e martë 22 qershor 2021

 

Ushtruesja e detyrës së presidentes së Kosovës, Vjosa Osmani është shprehur, se do të shfuqizojë ato vendime të ish-presidentit Thaçi që bien ndesh me praktikat diplomatike.

Ushtruesja e detyrës së presidentes së Kosovës, Vjosa Osmani tha të mërkurën se do të shfuqizojë të gjitha dekretet e ish-presidentit të Kosovës, Hashim Thaçi, të cilat janë në kundërshtim me praktikat diplomatike. Deklarata e Osmanit, u bë pas raportimeve në media të emërimit si Konsull i Përgjithshëm në Pragë, të Flakron Shalas, djali i deputetit Haxhi Shala. Ushtruesja e detyrës së presidentit Vjosa Osmani, thotë se ajo vazhdimisht ka kërkuar nga qeveria që të shqyrtojë dokumentet për shërbime diplomatike, por “ende nuk ka fituar qasje në këtë material”.

 

“Konsullata e Përgjithshme në Pragë dhe emërimi i Konsullit të Përgjithshëm aty, janë në kundërshtim me çdo praktikë diplomatike dhe konsullore të vendeve demokratike. Nuk mund të hapen Konsullata të Përgjithshme në të njëjtin qytet ku kemi edhe Ambasadë. Fatkeqësisht, ky nuk është rasti i vetëm. Është praktikë e mbrapshtë, të cilën duhet ta kthejmë mbarë. Prandaj ato dekrete do të shfuqizohen”, shkroi Osmani në një postim në rrjetin e saj social, Facebook.

 

Debati për votën e Haxhi Shalës

Emërimi i Flakron Shalës, në pozitën e Konsullit të Përgjithshëm në Pragë, është kundërshtuar edhe nga disa organizata të shoqërisë civile në Kosovë. Deputeti Haxhi Shala, u bë subjekt i një debati publik, për faktin që vota e tij ishte vendimtare në votimin e Qeverisë aktuale të drejtuar nga kryeministri Avdullah Hoti, ndonëse më herët ai kishte deklaruar se do të votonte kundër qeverisë Hoti. Gjatë seancës për votimin e qeverisë, vetë Haxhi Shala, deklaroi se ai e kishte ndryshuar mendimin për ta votuar qeverinë, pasi kishte takuar ish-presidentin e Kosovës, Hashim Thaçin dhe kryetarin e Aleancës për Ardhmërinë e Kosovës, Ramush Haradinaj dhe sipas tij, “për këta dy persona do ta votojë qeverinë Hoti”, duke lënë të kuptohet se Thaçi dhe Haradinaj, i kanë kërkuar atij që ta votojë qeverinë Hoti. Lëvizja Vetëvendosja çështjen e votës së Haxhi Shalës për qeverinë e Hoti e ka dërguar për trajtim në Gjykatën Kushtetuese, duke pretenduar se presidenti nuk guxon të ndikojë tek deputetët për votën e tyre.

Më shumë

Udhëheqësit e Manastirit të Deçanit nuk pranojnë dialog me kryeministrin Kurti

Udhëheqësit e Manastirit të Deçanit refuzojnë ta takojnë kryeministrin e Kosovës. Ata kërkojnë që më parë Kurti të zbatojë vendimin e Gjykatës Kushtetuese, që pronat përreth Manastirit të regjistrohen si prona të Kishës.   Kryeministri i Kosovës Albin Kurti, ditë më parë i dërgoi një letër kryemurgut të Manastirit të Deçanit Sava Janjiç, ku […]

Qeveria Kurti hesht lidhur me Manastirin e Deçanit

Qeveria e Kosovës qëndron e heshtur lidhur me kërkesën e shteteve të QUINT-it (Shtetet e Bashkuara, Franca, Gjermania, Italia e Britania e Madhe) për respektimin e vendimit të Gjykatës Kushtetuese lidhur me tokën e Manastirit të Deçanit.   Shefat e misioneve e këtyre shteteve të mërkurën (19 maj) përmes një komunikate të përbashkët […]

Kurti: Bisedimet me Serbinë nuk mund të vazhdojnë njësoj si në të kaluarën

Kryeministri i Kosovës, Albin Kurti, tha të martën mbrëma në Bruksel se bisedimet për normalizimin e marrëdhënieve me Serbinë nuk do të jenë njësoj si në të kaluarën dhe se në thelbin e tyre duhet të jetë njohja e ndërsjellë.   Ai i bëri këto komente pas një darke punë të organizuar nga shefi […]

40 – vjetori i Demonstratave të Prishtinës, ekspozita “Vullkani i Kosovës” në Pazarin e Ri në Tiranë

Demonstratat e pranverës së vitit 1981 në Prishtinë janë një moment kyç në historinë e Kosovës dhe në këtë 40 – vjetor, Angjencia Shtetërore e Arkivave të Kosovës ka realizuar këtë ekspozitë. Pas Prishtinës, saktësisht aty ku nisën demonstratat dhe çeljes së saj në disa qytete të Kosovës, 4 dekada kthese në historinë e […]

  • © 2017 Albanian Profile Të gjitha të drejtat e rezervuara