e martë 17 maj 2022
e martë 17 maj 2022

 

E mërkura 23 Qershorit do ta gjejë të mbledhur Gjykatën Kushtetuese për të vijuar shqyrtimin e padisë nëse zgjedhjet lokale të 30 qershorit 2019, ishin apo jo kushtetuese.

 

Më shumë se sa një vendimmarrje e karakterit juridik, kjo padi në kushtetuese po ndiqet me shumë interes nga të gjitha forcat politike e në veçanti nga shumica qeverisëse dhe opozita e cila i bojkotoi ato zgjedhje.

 

 

Përpara mbajtjes së seancës së 23 Qershorit Gjykata Kushtetuese, i ka dërguar palës paditëse një shkresë ku kërkon pjesëmarrjen në seancë vetëm të një personi për shkak të masave anti-covid.

 

Më 8 Qershor Pjerin Ndreu u zgjodh, si kryetar i ri i Shoqatës së Bashkive, por gjykata e shkallës së parë Tiranë i ka kërkuar Ndreut të shpjegojë se kush e ka thirrur mbledhjen e jashtëzakonshme, cila ka qenë urgjenca e thirrjes së saj.

 

Në tilla kushte kur socialisti Ndreu nuk është certifikuar ende në krye të kësaj shoqate, drejtimi saj do të vijojë prej Voltana Ademit e cila kontaktuar prej Top Channel tha se do të jetë në seancën e të mërkurës në gjykatën Kushtetuese, bashkë me avokatin e shoqatës.

 

Për këtë çështje, Top Channel kontaktoi me kryetarin e ri të Shoqatës së Bashkive Pjerin Ndreu i cili tha:

 

“Ndryshimet e fundit në shoqatë ia janë çuar gjykatës për miratim dhe jemi në pritje. S”kemi pse ngatërrojmë organizimin e brendshëm të një shoqate me padinë në Gjykatën Kushtetuese. Nëse do ishte ashtu do procedohej kohë më parë. Mbledhja e Asamblesë dhe vendimet e marra kanë të bëjnë vetëm funksionin e shoqatës”.

 

Këshilli i Ministrave si palë në këtë proces do të përfaqësohet nga zonja Elira Kokona. Me të gjitha gjasat, duke marrë në konsideratë zhvillimet brenda Shoqatës së Bashkive nuk përjashtohet mundësia që Gjykata Kushtetuese ta shty shqyrtimin për një datë tjetër.

 

 

Më shumë

“Non-grata”, Berisha shkon me ‘Foltoren’ në SHBA

Të dielën e 5 dhjetorit ora 12:00 me orën lokale, do të zhvillohet ‘Foltorja’ e ish-kryeministrit Sali Berisha me shqiptarët e Amerikës. Njoftimin e ka bërë publik lideri historik i PD përmes një postimi në Facebook. Organizimi është bërë nga diaspora shqiptare në SHBA.   Takimi do të zhvillohet me video-konferencë njësoj sikur të […]

Dekriminalizim e dorëheqje, si mbetën 6 bashki pa kryetar

Vënia nën akuzë nga SPAK i kryebashkiakut të Mallakastrës, Qerim Ismailaj, dhe mënyra se si do t’i rrjedhë përballja me drejtësinë për akuzën e “falsifikimit”, nuk e përjashton mundësinë e ndërprerjes së mandatit të tij.   Por nga ana tjetër, në vend janë gjashtë bashki të cilat nuk e kanë një kryetar të […]

Shtyhet ngritja e komisionit të reformës zgjedhore

Miratimi i komisionit të posaçëm të reformës zgjedhore është tërhequr nga seanca e sotme në Kuvendin e Shqipërisë.   Vendimi ka ardhur pas kërkesës së kreut të grupit parlamentar të Partisë Demokratike, Alfred Rushaj.   Kjo për faktin se palët ende nuk janë dakordësuar për objektin e komisionit të posaçëm të reformës zgjedhore. […]

Kuvendi i Shqipërisë ratifikon konventën me Izraelin për shmangien e taksimit të dyfishtë

Kuvendi i Shqipërisë ratifikon konventën me Izraelin për shmangien e taksimit të dyfishtë. Ministrja e Financave Delina Ibrahimaj ka prezantuar në Kuvend projektligjin që do të votohet ditën e sotme mbi konventën e nënshkruar mes Shqipërisë dhe Izraelit.   Sipas saj kjo konventë do të bëjë që çdo shtetas apo biznes që zhvillon […]

  • © 2017 Albanian Profile Të gjitha të drejtat e rezervuara