e martë 17 maj 2022
e martë 17 maj 2022

 

 

Presidenti kinez Xi Jinping bëri thirrje të hënën që dialogu dhe bashkëpunimi të jenë motivi kryesor në marrëdhëniet midis Kinës dhe Evropës, duke theksuar se të dy palët duhet të kenë si qëllim dobinë e ndërsjellë dhe përfitimet e përbashkëta.

 

Në një bisedë telefonike me presidentin finlandez Sauli Niinisto, Xi e nxiti gjithashtu Finlandën që të luajë një rol pozitiv në promovimin e zhvillimit të shëndetshëm dhe të qëndrueshëm të lidhjeve Kinë-Evropë.

 

Niinisto tha se Finlanda është e gatshme të luajë një rol pozitiv në lehtësimin e dialogut dhe bashkëpunimit midis Evropës dhe Kinës.

 

Ndërsa peizazhi ndërkombëtar pëson ndryshime të shpejta, vazhdojnë të shfaqen kërcënime e sfida globale dhe palët e ndryshme duhet t’i trajtojnë ato me frymën e bashkëpunimit me përfitime të ndërsjella, tha Xi, duke paralajmëruar kundër konfrontimit dhe mendësisë së “lojës ku fituesi i merr të gjitha”.

 

Xi theksoi se Kina është e gatshme të bëjë përpjekje të përbashkëta me Finlandën për të ruajtur multilateralizmin dhe për të përballuar sfidat globale, si siguria e shëndetit publik dhe ndryshimi i klimës, nëpërmjet bashkëpunimit ndërkombëtar.

 

Duke vënë në dukje se vitin e kaluar ishte 70-vjetori i lidhjeve diplomatike kino-finlandeze, Xi tha se Kina është e gatshme të punojë me Finlandën për të zgjeruar tregtinë dypalëshe dhe mirëpret kompanitë finlandeze të vazhdojnë të ndajnë përfitimet e sjella nga zhvillimi i saj. Kina shpreson që Finlanda do të vazhdojë të mbështesë bashkëpunimin dypalësh në tregti dhe fusha të tjera.

 

Kina është e gatshme të zgjerojë bashkëpunimin me Finlandën në kërkimin shkencor dhe arsimin, si dhe lidhur me zhvillimin e gjelbër dhe me lëshim të ulët karboni, vijoi më tej kreu i shtetit i Kinës, duke bërë thirrje për përpjekje të përbashkëta për t’u përballur me ndryshimin e klimës.

 

Xi gjithashtu u dërgoi urimet më të mira sportistëve finlandezë që do të marrin pjesë në Lojërat Olimpike Dimërore të Pekinit vitin e ardhshëm.

 

Sauli Niinisto, nga ana e tij, theksoi se Kina është partnerja më e rëndësishme tregtare e Finlandës në Azi dhe se ka një potencial i madh për bashkëpunimin dypalësh lidhur me teknologjinë e lartë dhe ekonominë qarkulluese.

 

Finlanda beson se njerëzimi duhet të merret me ndryshimin e klimës, COVID-19 dhe sfida të tjera globale së bashku nëpërmjet dialogut dhe bashkëpunimit, vuri në dukje ai, duke shtuar se Kina luan një rol vendimtar dhe të domosdoshëm në këtë proces. CRI

 

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara