Albanian Profile
e shtunë 16 tetor 2021
e shtunë 16 tetor 2021

 

 

Naser Pajaziti, gazetar në Maqedoninë e Veriut shprehet se në zgjedhjet lokale do të ketë për herë të parë koalicione ndëretnike.

 

Ai thotë se gjatë fushatës vihet re ulje e notave nacionaliste dhe partitë po luajnë kartën e qytetarisë.

 

Për herë të parë dy parti të opozitës shqiptare, Aleanca dhe Alternativa janë në koalicion me partinë nacionaliste VMRO-DPME.

 

Kjo aleancë vjen vetëm pak kohë pasi mbështetës të kësaj partie mbanin qëndrime të forta kundër shqiptarëve dhe pati dhunë ndaj Ziadin Selës në parlament.

 

“VMRO-DPME e ka kuptuar tashmë që nuk mund të fitojë me nacionalizëm në një kohë kur realiteti në Maqedoninë e Veriut është multietnik”, shprehet gazetari për euronewsalbania.

 

Sipas Naser Pajazitit këto zgjedhje do të jenë vendimtare për shumë politikanë, një prej të cilëve lideri i opozitës.

 

Zgjedhjet janë test dhe për Zoran Zaev, i cili do të tentojë të marrë një tjetër votëbesim. Ndërsa në të kundërt do të duhet të masë forcat në zgjedhje të parakohshme.

 

Partitë shqiptare gjithashtu kanë sfidat e tyre, pasi shumica e liderëve të tyre do të jenë në provë.

 

Gazetari i “Balkan Talks”, Franko Egro duke iu referuar sondazheve tha se VMRO-DPME rezulton mbi LSDM ndërsa gjithashtu dhe partitë opozitare shqiptare dalin më mirë se sa BDI.

 

Naser Pajaziti u shpreh se ka një frymë ndryshimi sidomos tek spektri shqiptar pasi BDI ka 20 vite në pushtet. Gjithashtu ka dozë pakënaqësie ndaj qeverisë së Zaev.

 

Më shumë

20-vjetori i Marrëveshjes së Ohrit

Nënshkrimi i Marrëveshjes së Ohrit u bë i mundur pas luftës së armatosur të vitit 2001. Marrëveshja u realizua me ndihmën e bashkësisë ndërkombëtare.   Qeveria e Maqedonisë së Veriut në bashkëpunim me programin për ndërtimin e paqes dhe të drejtat e njeriut në Universitetin Columbia organizoi panelin ndërkombëtar “Përtej Ohrit”.   Në panelin ndërkombëtar […]

Debatet rreth censusit në Maqedoninë e Veriut

Procesi i regjistrimit të popullsisë që po mbahet për diasporën e Maqedonisë së Veriut ka mobilizuar edhe faktorët politikë me thirrjet për t’u regjistruar, ndërsa opozita maqedonase po bën thirrje për shtyrjen e procesit për shkak të pandemisë së koronavirusit. Deri më tani janë regjistruar mbi 150 mijë qytetarë me origjinë nga Maqedonia e […]

1 vjetori i anëtarësimit të Maqedonisë së Veriut në NATO

Maqedonia e Veriut po shënon 1 vjetorin e anëtarësimit në NATO. Me këtë rast, në një ceremoni që u mbajt në një kazermë të Shkupit, tre aeroplanë ushtarakë të Aleancës fluturuan mbi kryeqytetin e vendit, ndërsa pjesëtarë të ushtrisë së Maqedonisë së Veriut shfaqën pjesë të stërvitjeve para krerëve të institucioneve më të larta […]

RMV, deri sot janë regjistruar rreth 150.000 persona nga diaspora

Deri në orën 8 të këtij mëngjesi, përmes ueb-aplikacionit për vetë-regjistrim janë evidentuar 148.719 persona të regjistruar nga diaspora, informoi Enti Shtetëror i Statistikave. Si edhe deri më tani, shumica e emigrantëve të regjistruar nga vendi janë nga Zvicra, Gjermania dhe Italia, ndërsa numri i personave të regjistruar është shumë më i ulët […]

  • © 2017 Albanian Profile Të gjitha të drejtat e rezervuara