e diel 2 tetor 2022
e diel 2 tetor 2022

 

 

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.

 

Forcat turke të sigurisë arrestuan agjentët iranianë për të cilët Turqia thotë se po tentonin të rrëmbenin një disident iranian. Videoja e arrestimit të kryer në tetor u shpërnda gjerësisht, duke e vënë në pozitë të vështirë Teheranin.

 

Incidenti vjen ndërsa Irani dhe Turqia janë në një luftë në rritje për të zgjeruar ndikimin e tyre në Kaukaz. Pajisjet ushtarake turke dhe izraelite ishin jetike për forcat e Azerbajxhanit në betejën e tyre për të larguar ushtrinë armene vitin e kaluar nga enklava e Nagorno-Karabakut. Një konflikt, që analistët thonë se dobësoi ndikimin e Iranit në rajon.

 

“Tani lidhjet izraelito-azerbajxhanase janë më të ngushta, lidhjet e Turqisë me Azerbajxhanin janë shumë më të ngushta, duke krijuar një realitet të ri gjeopolitik në Kaukazin e Jugut në të cilin roli i Iranit është zvogëluar, ai i Turqisë është rritur, dhe Rusia ka marrë rolin kryesor. Të gjithë këta faktorë e kanë rritur pakënaqësinë e Iranit”, thotë Galip Dalay, ekspert i organizatës “Chatham House”.

 

Irani tani po kundërpërgjigjet dhe ka shtuar përpjekjet e tij diplomatike në rajon. Në tetor, Teherani zhvilloi stërvitje ushtarake, për herë të parë në disa dekada, në kufirin me Azerbajxhanin.

 

“Tani, Irani po i bën trysni Azerbajxhanit. Marrëdhëniet diplomatike midis Iranit, Armenisë dhe Rusisë në lidhje me Kaukazin po bëhen më të ngushta. Irani po zhvillon stërvitje ushtarake pikërisht pranë kufirit të tij me Azerbajxhanin. Pra, mund të themi se ka tension në rajon që do të jetë i qëndrueshëm në planin afatgjatë”, thotë Ozgur Unlu hisar cikli, ekspert i Fondit Gjerman Marshall.

 

Në shenjë mbështetjeje, Turqia mbajti stërvitje të përbashkëta ushtarake me forcat azerbajxhanase pranë kufirit iranian pas shfaqjes së forcës nga Teherani, duke nënvizuar rëndësinë që ka Turqia për Azerbajxhanin.

 

Thellimi i lidhjeve ushtarake të Turqisë me fqinjin lindor të Iranit, Pakistanin, po e shton gjithashtu shqetësimin e Teheranit, thonë vëzhguesit, duke nxitur tensionet sektare. Turqia dhe Pakistani janë vende myslimane të sektit suni, ndërsa Irani ka një popullsi kryesisht shiite.

 

“Teherani po vëzhgon me shqetësim thellimin e bashkëpunimit ushtarak mes Pakistanit dhe Turqisë, si dhe midis Turqisë, Azerbajxhanit dhe Pakistanit. Dinamika e politikës më të gjërë rajonale në Lindjen e Mesme nga Irani përceptohet dhe analizohet nga këndvështrimi sektar shiit”, thotë Zaur Gasimov, studiues në Universitetin e Bonit.

 

Ekonomia në krizë e Iranit, varet nga tregtia me Turqinë, dhe kjo, thonë analistët, e lejon Ankaranë të mbajë një qëndrim të fortë ndaj Teheranit. VOA

 

 

Më shumë

Duke shpresuar se Omicron nuk do të shkatërrojë Krishtlindjet, Betlehemi ndez dritat e pemës

BETHLEHEM, Bregu Perëndimor, 4 dhjetor (Reuters) – Banorët ndezën një pemë gjigante të Krishtlindjeve jashtë Kishës së Lindjes së Betlehemit të shtunën, duke shpresuar që një variant i ri i koronavirusit të mos prishë një sezon tjetër pushimi në vendlindjen tradicionale të Jezusit. Betlehemi u mbyll vetëm Krishtlindjet e kaluara, duke humbur sezonin […]

Zgjerimi i ndikimit turk rrit tensionet me Iranin

Arrestimi i agjentëve iranianë në Turqi muajin e kaluar, thonë analistët, është shenja më e fundit e rritjes së tensioneve midis dy fqinjëve. Kjo po ndodh ndërsa Turqia po zgjeron ndikimin e saj në rajonin e Kaukazit në dëm të Iranit.   Forcat turke të sigurisë arrestuan agjentët iranianë për të cilët Turqia […]

Energjia atomike energji e gjelbër?

Gjermania dhe disa shtete të BE kundërshtojnë kategorizimin e energjisë atomike si energji të gjelbër. Por shumica e vendeve të BE e mbështet këtë, mes tyre edhe Franca.     Gjermania dhe katër shtete të tjera e kundërshtuan hapur në Glasgou, ku përfundoi Konferenca Botërore për Klimën, kategorizimin e energjisë atomike si energji të […]

Izraeli mohon akuzat për spiunazh në Turqi

Izraeli është angazhuar për lirimin e një çifti izraelit të cilët janë dërguar në mbajtje nga ana e autoriteteve turke, tha kryeministri izraelit, Naftali Bennett.   Media shtetërore turke ka thënë se izraelitët e ndaluar ishin spiunë.   Kryeministri Bennett tha përmes një deklarate se ai ka biseduar me familjen e dy izraelitëve, […]

  • © 2017 Albanian Profile Të gjitha të drejtat e rezervuara